പനാജി; നടി അലക്സാൻട്ര ജാവി ഗോവയിലെ വീട്ടിൽ മരിച്ച നിലയിൽ 23 വയസായിരുന്നു. ഗോവയിലെ വാടക വീട്ടിൽ തൂങ്ങി മരിച്ച നിലയിലാണ് മൃതദേഹം കണ്ടെത്തിയത്. ആത്മഹത്യയാണെന്നാണ് പ്രാഥമിക നിഗമനം. നടിയുടെ മരണത്തില്‍ പോലീസ് അന്വേഷണം ആരംഭിച്ചു.
റഷ്യൻ മോഡലും നടിയുമായി അലക്സാൻട്ര രാഘവ ലോറന്‍സിന്റെ കാഞ്ചന 3 ലും അഭിനയിച്ചിരുന്നു. കുറച്ച് കാലമായി ഗോവയിലാണ് താരം താമസിച്ചിരുന്നത്. അടുത്തിടെ താരം കാമുകനുമായി വേർപിരിഞ്ഞിരുന്നു. ഇതിനെ തുടർന്ന് കടുത്ത വിഷാദത്തിലായിരുന്നു അലക്സാൻട്ര എന്നാണ് അയൽവാസികൾ പറയുന്നത്. മരണവുമായി ബന്ധപ്പെട്ട് മുൻ കാമുകനെ പൊലീസ് ചോദ്യം ചെയ്യും.
2019 ല്‍ ചെന്നൈയിലെ ഒരു ഫോട്ടോഗ്രാഫര്‍ക്കെതിരേ ലൈംഗികപീഡനപരാതിയും നല്‍കിയിരുന്നു. ഇയാളെ പൊലീസ് അറസ്റ്റു ചെയ്തിരുന്നു. താരത്തിന്റെ മരണവുമായി ബന്ധപ്പെട്ട് ഇയാളെ ചോദ്യം ചെയ്യും. 2019ൽ റിലീസായ കാഞ്ചനയിൽ പ്രേതമായാണ് അലക്സാൻട്ര വേഷമിട്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
