നെട്രികണ്ണിന് പിന്നാലെ ഓക്സിജനും ഒടിടിയിലേക്ക്? നയൻതാര ചിത്രം റി‌ലീസിനൊരുങ്ങുന്നു 

ഡ്രീം വാര്യർ പിക്ചേഴ്സ് ആണ് ചിത്രം നിർമ്മിച്ചിരിക്കുന്നത്
നയൻ‌താര
നയൻ‌താര

ടി നയൻ‌താരയുടെ പുതിയ ചിത്രമായ 'ഓക്സിജൻ' ഒടിടി റിലീസിന് ഒരുങ്ങുന്നതായി റിപ്പോർട്ടുകൾ. നവാ​ഗതനായ ജി കെ വിഘ്‌നേശ് ആണ് ചിത്രം സംവിധാനം ചെയ്തിരിക്കുന്നത്. ഒരു പ്രമുഖ ഒടിടി പ്ലാറ്റ്‌ഫോം സിനിമയുടെ നിർമ്മാതാക്കളെ ബന്ധപ്പെട്ടെന്നും ഇരുകൂട്ടരും തമ്മിൽ റിലീസ് സംബന്ധിച്ച ചർച്ചകൾ പുരോ​ഗമിക്കുകയാണെന്നുമാണ് റിപ്പോർട്ടുകൾ. 

ഡ്രീം വാര്യർ പിക്ചേഴ്സ് ആണ് ചിത്രം നിർമ്മിച്ചിരിക്കുന്നത്. അതേസമയം സിനിമയുടെ റിലീസ് സംബന്ധിച്ച് ഔദ്യോഗിക അറിയിപ്പുകളൊന്നും പുറത്തുവന്നിട്ടില്ല. സിനിമയുടെ പോസ്റ്റ് പ്രൊഡക്ഷൻ വർക്കുകൾ പുരോഗമിക്കുകയാണ്. 

വിഘ്‍നേശ് ശിവൻ സംവിധാനം ചെയ്യുന്ന 'കാതുവാക്കുള രണ്ടു കാതൽ', അൽഫോൻസ് പുത്രന്റെ 'ഗോൾഡ്' എന്നീ ചിത്രങ്ങളാണ് നടിയുടേതായി അണിയറയിൽ ഒരുങ്ങുന്ന നയൻതാര ചിത്രങ്ങൾ. വിഘ്‌നേശ് ചിത്രത്തിൽ കൺമണി എന്ന കഥാപാത്രമാണ് നയൻതാരയുടേത്.വിഘ്‍നേശ് ശിവനും നയൻതാരയും ചേർന്ന് റൗഡി പിക്ചേഴ്‍സിന്റെ ബാനറിലാണ് ചിത്രം നിർമിക്കുന്നത്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com