അകാലത്തില്‍ വിടപറഞ്ഞ തന്റെ പ്രിയ സുഹൃത്ത് സച്ചിയുടെ സ്വപ്‌നം യാഥാര്‍ത്ഥ്യമാക്കാന്‍ പൃഥ്വിരാജ്. വിലായത്ത് ബുദ്ധയുടെ ടൈറ്റില്‍ പോസ്റ്റര്‍ പുറത്തുവിട്ടു. സച്ചിയുടെ സഹസംവിധായകനായിരുന്ന ജയന്‍ നമ്പ്യാര്‍ സംവിധാനം ചെയ്യുന്ന ചിത്രത്തില്‍ പൃഥ്വിരാജാണ് പ്രധാന വേഷത്തില്‍ എത്തുന്നത്.
സച്ചിയുടെ ഓര്‍മകള്‍ക്കു മുന്നില്‍ സമര്‍പ്പിച്ചുകൊണ്ടാണ് ചിത്രം. അയ്യപ്പനും കോശിക്കും ഒരു വയസ്. ഇത് സച്ചിയുടെ സ്വപ്‌നമായിരുന്നു. നിനക്കുവേണ്ടിയാണ് ഇത് സഹോദരാ. മസച്ചിയുടെ ഓര്‍മയില്‍ ജയന്‍ നമ്പ്യാരുടെ വിലായത്ത് ബുദ്ധ- എന്ന അടിക്കുറിപ്പിലാണ് പോസ്റ്റര്‍ പുറത്തുവിട്ടത്.
ജിആര്‍ ഇന്ദുഗോപന്‍ എഴുതിയ നോവല്‍ വിലായത്ത് ബുദ്ധയുടെ ദൃശ്യാവിഷ്‌കാരമാണ് ചിത്രം. പൃഥ്വിരാജിനൊപ്പം ചേര്‍ന്ന് ഈ സിനിമ എടുക്കാനുള്ള തയാറെടുപ്പിലായിരുന്നു സച്ചി. അതിനിടെയാണ് താരം വിടപറഞ്ഞത്.
ഉര്‍വശി തീയറ്റേഴ്‌സിന്റെ ബാനറില്‍ സന്ദീപ് സേനനും അനീഷ് എം തോമസുമാണ് ചിത്രം നിര്‍മിക്കുന്നത്. ജിആര്‍ ഇന്ദുഗോപന്‍, രാജേഷ് പിന്നടന്‍ എന്നിവര്‍ ചേര്‍ന്നാണ് രചന. ഛായാഗ്രഹണം ജോമോന്‍ ടി ജോണ്‍, എഡിറ്റിങ് മഹേഷ് നാരായണന്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
