33 വര്ഷം പഴക്കമുള്ള ഒരു വിഡിയോ പങ്കുവച്ച് ബാല്യകാല സുഹൃത്തിന് ആശംസകള് നേര്ന്നിരിക്കുകയാണ് ബോളിവുഡ് നടന് സല്മാന് ഖാന്. സുഹൃത്ത് സാദിഖിന്റെ 33-ാം വിവാഹ വാര്ഷികത്തിനാണ് സല്മാന്റെ ആശംസ. ടിവിയില് വിവാഹ വിഡിയോ പ്ലേ ചെയ്ത് ആ ദൃശ്യങ്ങള് പകര്ത്തിയാണ് സല്മാന് ആരാധകരുമായി പങ്കുവച്ചത്.
' ബാല്യകാല സുഹൃത്ത് സാദിഖ്, ബാല്യകാലം എന്നുവച്ചാല് 33 വര്ഷം മുമ്പ് ഞാന് ചെറുതായിരുന്നപ്പോള് അവന് വിവാഹം കഴിച്ചു. അത് അതിജീവിച്ച രഹാനയോട് ബഹുമാനം. എല്ലാ ആശംസകളും', സല്മാന് കുറിച്ചു. ഒടുവില് സാദിഖിന്റെ ഭാര്യ രഹാനയോടായി ഒരു തമാശയും സല്മാന് പോസ്റ്റില് ചേര്ത്തിട്ടുണ്ട്. ഇപ്പോഴും ഓടിപ്പോകാന് രഹാനയ്ക്ക് സമയമുണ്ടെന്നായിരുന്നു അത്.
റിയാലിറ്റി ഷോ ബിഗ് ബോസിന്റെ തിരക്കുകളിലാണ് സല്മാന് ഇപ്പോള്. അതിനുശേഷം രാദേ: യുവര് മോസ്റ്റ് വാണ്ടട് ഭായ് എന്ന സിനിമയില് താരത്തെ കാണും. ജിക്ക്വിലിന് ഫര്ണാണ്ടസിനൊപ്പം കിക്ക് 2 എന്ന ചിത്രത്തിലും സല്മാന് കരാറൊപ്പിട്ടിട്ടുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ