പ്രമുഖ റിയാലിറ്റി ഷോയായ ബിഗ് ബോസിന്റെ ഹിന്ദി പതിപ്പിലെ മത്സരാര്‍ത്ഥികളായ ഇജാസ് ഖാനും പവിത്ര പൂനിയയും വിവാഹത്തിന് ഒരുങ്ങുന്നു. ഇപ്പോള്‍ നടക്കുന്ന ഷോയുടെ 14-ാം സീസണിലെ മത്സരാര്‍ത്ഥികളാണ് ഇരുവരും. ഇജാസ് നിലവില്‍ മത്സരത്തില്‍ തുടരുന്നുണ്ട്. അതേസമയം പവിത്ര പാതിവഴിയില്‍ പുറത്തായി.
മത്സരത്തിനിടയില്‍ പരസ്പരം പ്രണയത്തിലായ ഇജാസും പവിത്രയും അടുത്തിടെ നല്‍കിയ അഭിമുഖത്തിലാണ് വിവിഹക്കാര്യം തുറന്നുപറഞ്ഞത്. എല്ലാം ശരിയായി നടന്നാല്‍ ഈ വര്‍ഷം തന്നെ കല്ല്യാണം ഉണ്ടാകുമെന്നാണ് താരങ്ങള്‍ അറിയിച്ചിരിക്കുന്നത്. 'പവിത്രയുടെ സഹോദരനെ ഞാന്‍ നേരില്‍ കണ്ടിരുന്നു. എനിക്ക് പവിത്രയെ ഇഷ്ടമാണ്. എന്റെ ലക്ഷ്യം വളരെ സത്യസന്ധമാണ്', ഇജാസ് പറഞ്ഞു.
100ദിവസത്തെ മത്സരമാണെങ്കിലും ഷോയുടെ പുതിയ സീസണ്‍ ഇക്കുറി ഏറെ നീണ്ടുപോയിരിക്കുകയാണ്. ഇതുകാരണം നേരത്തെ കരാറിലായ ചില ജോലികള്‍ പൂര്‍ത്തിയാക്കാനായി ഇജാസ് ഷോയില്‍ നിന്ന് മടങ്ങിയിരുന്നു. ഈ സമയത്താണ് വിവാഹത്തെക്കുറിച്ചുള്ള കാര്യങ്ങള്‍ വെളിപ്പെടുത്തിയത്. ഇജാസിന് പകരം നടിയും മുന്‍ ബിഗ് ബോസ് മത്സരാര്‍ത്ഥിയുമായ ദേവൊലീനയാണ് കളിയിലുള്ളത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
