അമ്മയുടെ മടിയിൽ ഇരുന്ന് കുഞ്ഞ് സിംബ അച്ഛന്റെ അവസാന സിനിമയുടെ ട്രെയിലർ പുറത്തുവിട്ട്. അകാലത്തിൽ വിടപറഞ്ഞ കന്നട താരം ചിരഞ്ജീവി സർജയുടെ അവസാന ചിത്രം രാജമാർത്താണ്ഡയുടെ ട്രെയിലറാണ് പറത്തെത്തിയത്.
ജൂനിയർ ചീരുവിനെ മടിയിലിരുത്തി അവന്റെ വിരലുകൾ കൊണ്ട് ഫോണിലെ പ്ലേ ബട്ടൺ അമർത്തിയാണ് മേഘ്ന ട്രെയിലർ പുറത്തുവിട്ടത്. മേഘ്നയുടേയും കുഞ്ഞിന്റേയും ദൃശ്യത്തോടെയാണ് ട്രെയിലർ ആരംഭിക്കുന്നത്. കഴിഞ്ഞ വാലന്റൈൻസ് ദിനത്തിലാണ് മേഘ്ന മകനെ പരിചയപ്പെടുത്തിയത്. സ്പെഷ്യൽ വിഡിയോയിലൂടെയായിരുന്നു സിംബ ആരാധകരുടെ മുന്നിലെത്തിയത്.
ചിരഞ്ജീവി സർജ അഭിനയിച്ച ആക്ഷൻ ത്രില്ലറാണ് രാജമാർത്താണ്ഡ. കെ. രാമനാരായൺ സംവിധാനം ചെയ്ത ചിത്രത്തിൽ മലയാളികളുടെ പ്രിയ താരം ദീപ്തി സതിയാണ് നായികയായി എത്തുന്നത്. ചിരഞ്ജീവിക്ക് വേണ്ടി ചിത്രത്തിൽ ഡബ് ചെയ്തിരിക്കുന്നത് സഹോദരൻ ധ്രുവ് സർജയാണ് എന്നതാണ് മറ്റൊരു പ്രത്യേകത. ജൂണിലാണ് ചിരഞ്ജീവി അപ്രതീക്ഷിതമായി വിടപറയുന്നത്. അന്ന് നാലു മാസം ഗർഭിണിയായിരുന്നു മേഘ്ന.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
