മൂന്നാമത്തെ കുഞ്ഞിനെ ഗര്ഭം ധരിച്ചിരിക്കുകയാണ് നടി ലിസ ഹൈഡന്. അടുത്തിടെയാണ് താന് വീണ്ടും ഗര്ഭിണിയായ വിവരം താരം പങ്കുവെച്ചത്. നിറവയറില് നില്ക്കുന്ന ബീച്ച് ഫോട്ടോയും താരം പങ്കുവെച്ചിരുന്നു. ഇപ്പോള് നിറവയറില് ഡാന്സ് കളിക്കുന്ന താരത്തിന്റെ വിഡിയോ ആണ് ആരാധകര്ക്കിടയില് ശ്രദ്ധ നേടുന്നത്. താരത്തിന്റെ സുഹൃത്തിന്റെ ബേബി ഷവറിലായിരുന്നു ആഘോഷം.
ലിസയുടെ സുഹൃത്ത് ഇസബെല്ല ഡസയുടെ ബേബി ഷവറാണ് അമ്മമാരാകാന് പോകുന്ന ഒരു കൂട്ടം പേര് ചേര്ന്ന് ആഘോഷമാക്കിയത്. വ്യത്യസ്തമായിട്ടായിരുന്നു ബേബി ഷവര്. കപ്പ് കേക്കുകള് നല്കി വയറു നിറക്കുന്നതിന് പകരമായി ഡാന്സും ഫിറ്റ്നസ് ആക്റ്റിവിറ്റികളുമൊക്കെയായി ആഘോഷിച്ചത്. ഗര്ഭിണികളായ രണ്ട് സുഹൃത്തുക്കള്ക്കൊപ്പമാണ് ലിസ ചുവടുവെച്ചത്. വിഡിയോ ചിലപ്പോ പിന്നീട് നീക്കം ചെയ്യും എന്ന കുറിപ്പിലാണ് എത്തിയിരിക്കുന്നത്.
ബിസിനസ്മാനായ ഡിനൊ ലാല്വനിയാണ് ലിസയുടെ ഭര്ത്താവ്. ഇവര്ക്ക് രണ്ട് ആണ്കുട്ടികളുണ്ട്. മൂന്ന് വയസുകാരന് സാക്കും ഒരു വയസുള്ള ലിയോയും. കഴിഞ്ഞ ദിവസമാണ് താന് മൂന്നാമതും ഗര്ഭിണിയാണെന്ന് വ്യക്തമാക്കിക്കൊണ്ട് താരം വിഡിയോ പങ്കുവെച്ചത്. മൂന്നാമത്തെയാള് ജൂണില് എത്തും എന്ന അടിക്കുറിപ്പിലായിരുന്നു വിഡിയോ.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ