പട്ടിക്കുഞ്ഞുങ്ങളെ കുളിപ്പിക്കാൻ പാടുപെടുന്ന ശോഭന, ക്യൂട്ടല്ലേ എന്ന് ആരാധകരോട്; വിഡിയോ

കുളിപ്പിക്കുന്നതിനിടയിലും കുസൃതിക്ക് കുറവില്ല. ഓടി രക്ഷപ്പെടാനും ശോഭനയുടെ മേലെ കയറാനുമെല്ലാം ഇവർ ശ്രമിക്കുന്നുണ്ട്
പട്ടിക്കുഞ്ഞുങ്ങളെ കുളിപ്പിക്കുന്ന ശോഭന/ വിഡിയോ സ്ക്രീൻഷോട്ട്
പട്ടിക്കുഞ്ഞുങ്ങളെ കുളിപ്പിക്കുന്ന ശോഭന/ വിഡിയോ സ്ക്രീൻഷോട്ട്

രു കാലത്ത് തെന്നിന്ത്യൻ സിനിമ ലോകത്തിന്റെ ആവേശമായിരുന്നു ശോഭന. പിന്നീട് നൃത്തത്തിൽ ശ്രദ്ധ കേന്ദ്രീകരിക്കാൻ തുടങ്ങിയ താരം സിനിമയിൽ നിന്ന് ഇടവേളയെടുത്തു. അടുത്തിടെ വരനെ ആവശ്യമുണ്ട് എന്ന ചിത്രത്തിലൂടെ താരം മികച്ച തിരിച്ചുവരവ് നടത്തിയിരുന്നു. തന്റെ സിനിമ ഓർമകളും വിശേഷങ്ങളുമെല്ലാം പങ്കുവെക്കാൻ താരം മടിക്കാറില്ല. ഇപ്പോൾ സോഷ്യൽ മീഡിയയിൽ വൈറലാവുന്നത് തന്റെ വളർത്തു മൃ​ഗങ്ങൾക്കൊപ്പമുള്ള ശോഭനയുടെ വിഡിയോ ആണ്. 

തന്റെ പട്ടിക്കുഞ്ഞുങ്ങളെ കുളിപ്പിക്കാൻ കഷ്ടപ്പെടുകയാണ് താരം. ബാത്ത്ടബ്ബിൽ വെള്ളം നിറച്ചുവെച്ച് ഷാംപൂ തേച്ച് കുളിപ്പിക്കുകയാണ് താരം. അതിനൊപ്പം കുറുമ്പന്മാരെ ആരാധകർക്ക് പരിചയപ്പെടുത്താനും മറന്നില്ല. എന്നാൽ കുളിപ്പിക്കുന്നതിനിടയിലും കുസൃതിക്ക് കുറവില്ല. ഓടി രക്ഷപ്പെടാനും ശോഭനയുടെ മേലെ കയറാനുമെല്ലാം ഇവർ ശ്രമിക്കുന്നുണ്ട്. 

ക്യൂട്ട്നസ് ഓവർലോഡഡ്, അല്ലേ? എന്ന അടിക്കുറിപ്പിനൊപ്പമാണ് വിഡിയോ പങ്കുവെച്ചിരിക്കുന്നത്. എന്തായാലും ആരാധകരുടെ മനംകവരുകയാണ് വിഡിയോ. നിരവധി പേരാണ് തങ്ങളുടെ വളർത്തുമൃ​ഗങ്ങളെ താരത്തിന് പരിചയപ്പെടുത്തിക്കൊണ്ട് കമന്റുകളിടുന്നത്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com