മമ്മൂട്ടി പ്രധാനവേഷത്തിൽ എത്തുന്ന വൺ റിലീസിന് ഒരുങ്ങുന്നു. പുതിയ പോസ്റ്റർ പുറത്തുവിട്ടുകൊണ്ടാണ് അണിയറ പ്രവർത്തകർ റിലീസ് വിവരം അറിയിച്ചത്. ചിത്രത്തിൽ കടക്കൻ ചന്ദ്രൻ എന്ന മുഖ്യമന്ത്രിയുടെ വേഷത്തിലാണ് മമ്മൂട്ടി വേഷമിടുന്നത്. കടക്കൽ ചന്ദ്രൻ മുഖ്യമന്ത്രിയായി ഉടൻ സത്യപ്രതിജ്ഞ ചെയ്യും എന്ന കുറിപ്പോടെയാണ് പോസ്റ്റർ എത്തുന്നത്.
മമ്മൂട്ടി തന്നെയാണ് പോസ്റ്റർ പുറത്തുവിട്ടത്. റിലീസ് തിയതി ഉടൻ പുറത്തുവിടുമെന്നും വ്യക്തമാക്കുന്നു. പൊളിറ്റിക്കൽ ത്രില്ലറായി ഒരുങ്ങുന്ന ചിത്രം സംവിധാനം ചെയ്യുന്നത് സന്തോഷ് വിശ്വനാഥനാണ്. ബോബി- സഞ്‍ജയ് ആണ് ചിത്രത്തിന്റെ തിരക്കഥ എഴുതുന്നത്. സംഭാഷണങ്ങള്‍ക്ക് ഏറെ പ്രാധാന്യ നൽകിക്കൊണ്ട് ഒരുങ്ങുന്ന ചിത്രം കുടുംബ ബന്ധങ്ങള്‍ക്കും പ്രാധാന്യം നല്‍കുന്നുണ്ട്. ജോജു ജോർജ്, സിദ്ധിഖ്, മുരളി ഗോപി, സുദേവ് നായർ, ജഗതീഷ് തുടങ്ങിയ വലിയ താരനിര തന്നെ ചിത്രത്തിൽ അണിനിരക്കുന്നുണ്ട്.
കൊവിഡിന് മുന്നേ സിനിമയുടെ ചിത്രീകരണം ഭൂരിഭാഗവും പൂര്‍ത്തിയായിരുന്നു. റിലീസിന് ഒരുങ്ങവെയാണ് കോവിഡ് പ്രതിസന്ധി സൃഷ്ടിക്കുന്നത്. അടുത്ത മാസങ്ങളിലായി നിരവധി ചിത്രങ്ങളാണ് തിയറ്ററിൽ എത്താനുള്ളത്. തിയറ്ററുകൾ തുറക്കാൻ സർക്കാർ തീരുമാനിച്ചിട്ടുണ്ടെങ്കിലും ഇപ്പോൾ പ്രവർത്തനം ആരംഭിക്കില്ലെന്നാണ് ഫിലിം ചേമ്പർ പറയുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
