കോവിഡ് സ്ഥിരീകരിച്ചതിന് തന്നെ അജയ് ദേവ്ഗണ് ചീത്ത പറഞ്ഞെന്ന് നടന് അഭിഷേക് ബച്ചന്. കപില് ഷോയില് അതിഥിയായി എത്തിയപ്പോഴാണ് താരത്തിന്റെ വെളിപ്പെടുത്തല്. കോവിഡ് പോസിറ്റീവായെന്ന് അറിഞ്ഞ ഉടനെ അജയ് യുടെ ഫോണ് കോള് വന്നെന്നും ഇത് എങ്ങനെയാണ് സംഭവിച്ചത് എന്നാണ് ചോദിച്ചതെന്നുമാണ് അഭിഷേക് പറയുന്നത്.
'അജയ് ആണ് എന്നെ ആദ്യം വിളിച്ചത്. എന്നോട് പറഞ്ഞു; എന്താണ് ഇത്? എന്താണ് സംഭവിക്കുന്നത്? നിനക്ക് എങ്ങനെയാണ് ഇത് സംഭവിച്ചത്. അതിന് ശേഷമാണ് എനിക്ക് കാര്യം മനസിലായത്. അതിന് അഞ്ചോ ആറോ ദിവസം മുന്പ് അജയ് എന്നെ കാണാനായി വന്നിരുന്നു'- ചിരിയോടെ അഭിഷേക് പറഞ്ഞു.
ലോക്ക്ഡൗണില് എന്തു ചെയ്യുകയായിരുന്നു എന്ന കപില് ശര്മയുടെ ചോദ്യത്തിനും രസകരമായാണ് അഭിഷേക് പ്രതികരിച്ചത്. ഞങ്ങള് കൊറോണ ചെയ്യുകയായിരുന്നു എന്നായിരുന്നു മറുപടി. അഭിഷേക് ബച്ചനും അമിതാഭ് ബച്ചനും ഐശ്വര്യ റായിക്കും ആരാദ്യക്കുമാണ് കോവിഡ് സ്ഥിരീകരിച്ചത്.
അഭിഷേകും അജയ് ദേവ്ഗണും ഒന്നിക്കുന്ന ദി ബിഗ് ബുള്ളിന്റെ പ്രമോഷന്റെ ഭാഗമായാണ് അഭിഷേക് ഷോയില് എത്തിയത്. അന്തരിച്ച സ്റ്റോക്ക് ബ്രോക്കര് ഹര്ഷദ് മെഹ്തയുടെ കഥാപാത്രമായാണ് അഭിഷേക് എത്തുന്നത്. ചിത്രം നിര്മിക്കുന്നത് അജയ് ആണ്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ