കണക്കുകൂട്ടി വിക്രത്തിന്റെ കളി, പിടികൂടാൻ ഇർഫാൻ പഠാനും റോഷൻ മാത്യുവും; കോബ്ര ടീസർ

ചിയാൻ വിക്രമിന്റെ ഏറ്റവും പുതിയ ചിത്രം കോബ്രയുടെ ടീസർ പുറത്ത്. മുൻ ഇന്ത്യൻ ക്രിക്കറ്റ് താരം ഇർഫാൻ പഠാന്റെ അരങ്ങേറ്റ ചിത്രം കൂടിയാണിത്. വിക്രത്തിന്റെ അതി​ഗംഭീര പ്രകടനവുമായാണ് ടീസർ എത്തുന്നത്. അജയ് ജ്ഞാനമുത്തു സംവിധാനം ചെയ്യുന്ന ചിത്രത്തിൽ മലയാളി നടൻ റോഷൻ മാത്യുവും പ്രധാന വേഷത്തിൽ എത്തുന്നുണ്ട്. 

ചിത്രത്തിൽ ​ഗണിതശാസ്ത്രജ്ഞനായാണ് വിക്രം വേഷമിടുന്നത്. ആക്ഷൻ ത്രില്ലർ ​ഗണത്തിൽപ്പെടുന്ന ചിത്രത്തിൽ അന്വേഷണ ഉദ്യോ​ഗസ്ഥരായാണ് ഇർഫാൻ എത്തുന്നത്. 'എല്ലാ പ്രശ്‌നങ്ങള്‍ക്കും മാത്തമാറ്റിക്കല്‍ പരിഹാരമുണ്ട്' എന്നാണ് ചിത്രത്തിന്റെ ടാ​ഗ് ലൈൻ. കെജിഎഫിലൂടെ പ്രശസ്തയായ ശ്രീനിഥി ഷെട്ടിയാണ്. ചിത്രത്തിൽ നായികയായി എത്തുന്നത്. 

വിക്രം ആരാധകർ വളരെ പ്രതീക്ഷയോടെ കാത്തിരിക്കുന്ന ചിത്രമാണ് കോബ്ര. ഏഴ് വ്യത്യസ്​ത ലുക്കുകളിലാണ് വിക്രം പ്രത്യക്ഷപ്പെടുന്നത്. നേരത്തെ വിക്രത്തിന്റെ വിവിധ ​ഗെറ്റപ്പുകൾ ഉൾപ്പെടുത്തിക്കൊണ്ടുള്ള പോസ്റ്റർ പ്രത്യക്ഷപ്പെടുന്നത്. എആർ റഹ്മാനാണ് സം​ഗീതം ഒരുക്കുന്നത്. 

ചിത്രത്തിന്റെ ഷൂട്ടിങ് പുരോഗമിക്കുന്നതായാണ് റിപ്പോര്‍ട്ടുകള്‍. ചെന്നൈയില്‍ ഷെഡ്യൂളിന് ശേഷം കൊല്‍ക്കത്തയിലാണ് ഇപ്പോള്‍ ചിത്രീകരണം നടക്കുന്നത്. ഫെബ്രുവരിയില്‍ ഷൂട്ടിങ് പൂര്‍ത്തിയാക്കി ഈ വര്‍ഷം തന്നെ റിലീസ് ചെയ്യാനാണ് അണിയറ പ്രവര്‍ത്തകരുടെ ശ്രമം.