'മാർഗഴി തിങ്കൾ' പാടി തെന്നിന്ത്യൻ സുന്ദരികൾ, ഒപ്പം ചുവടുവെച്ച് ശോഭനയും; വിഡിയോ
By സമകാലിക മലയാളം ഡെസ്ക് | Published: 10th January 2021 12:28 PM |
Last Updated: 10th January 2021 12:28 PM | A+A A- |
ശോഭന, നിത്യ മേനോൻ, രമ്യ നമ്പീശൻ/ വിഡിയോ സ്ക്രീൻഷോട്ട്
തെന്നിന്ത്യയിലെ പ്രിയനായികമാർ ഒന്നിക്കുന്ന മ്യൂസിക് വിഡിയോ പുറത്ത്. മാർഗഴി തിങ്കൾ എന്ന തമിഴ് ഗാനവുമായാണ് മലയാളത്തിലെയും തമിഴിലെയും ഒരു കൂട്ടം നായികമാർ എത്തുന്നത്. സോഷ്യൽ മീഡിയയിൽ ശ്രദ്ധേയമാവുകയാണ് വിഡിയോ.
രേവതി, സുഹാസിനി, കനിഹ, നിത്യ മേനോൻ, രമ്യ നമ്പീശൻ, അനു ഹാസൻ, ജയശ്രീ എന്നിവരാണ് പാട്ടുപാടുന്നത്. ഇവർക്കൊപ്പം ഗായിക ഉമ അയ്യരുമുണ്ട്. കൂടാതെ പ്രിയ നായികമാരുടെ ഗാനത്തിന് ചുവടുവെച്ച് ശോഭനയും വിഡിയോയിൽ നിറഞ്ഞു നിൽക്കുന്നുണ്ട്. സുഹാസിനിയാണ് മാർഗഴി തിങ്കൾ എന്ന സംഗീത ആൽബത്തിലൂടെ പുനരാവിഷ്കരിച്ചിരിക്കുന്നത്. സുഹാസിനി തന്നെയാണ് നിർമാണം.