ഹൃത്വിക് റോഷനും ദീപിക പദുക്കോണും ആദ്യമായി ഒന്നിക്കുന്നു, 'സ്വപ്നങ്ങൾ ശരിക്ക് യാഥാർത്ഥ്യമാകാറുണ്ട്'

ഹൃത്വിക് റോഷന്റെ പിറന്നാൾ ദിനത്തിലാണ് ചിത്രം പ്രഖ്യാപിച്ചത്
ഹൃത്വിക് റോഷനും ദീപിക പദുക്കോണും/ ഫയൽ ചിത്രം
ഹൃത്വിക് റോഷനും ദീപിക പദുക്കോണും/ ഫയൽ ചിത്രം

ബോളിവുഡിലെ പ്രിയ താരങ്ങളായ ഹൃത്വിക് റോഷനും ദീപിക പദുക്കോണും ആദ്യമായി ഒന്നിക്കുന്നു. സിദ്ധാർത്ഥ് ആനന്ദ് സംവിധാനം ചെയ്യുന്ന ഫൈറ്ററിലൂടെയാണ് ഇരുവരും ഒന്നിക്കുന്നത്. ഹൃത്വിക് റോഷന്റെ പിറന്നാൾ ദിനത്തിലാണ് ചിത്രം പ്രഖ്യാപിച്ചത്. 

സ്വപ്നങ്ങൾ ശരിക്ക് യാഥാർത്ഥ്യമാകാറുണ്ട് എന്ന അടിക്കുറിപ്പിലാണ് ദീപിക പദുക്കോൺ സന്തോഷ വാർത്ത പങ്കുവെച്ചത്. ദീപികയ്ക്കൊപ്പമുള്ള ആദ്യ യാത്രയെ വളരെ പ്രതീക്ഷയോടെയാണ് നോക്കിക്കാണുന്നത് എന്നായിരുന്നു ഹൃത്വിക് കുറിച്ചത്.  2021 സെപ്തംബറിലാവും ചിത്രം പുറത്തിറങ്ങുക. എന്തായാലും ഇഷ്ടതാരങ്ങളെ ആദ്യമായി ഒന്നിച്ചു കാണാൻ സാധിക്കുന്നതിന്റെ സന്തോഷത്തിലാണ് ആരാധകർ. 

കഴിഞ്ഞ ദിവസം ദീപിക പദുക്കോണിന്റെ പിറന്നാൾ ദിനത്തിലെ ഹൃത്വിക്കിന്റെ ആശംസസന്ദേശത്തിലും അതിന് നൽകിയ മറുപടിയിലും ചെറിയ സൂചനകളുണ്ടായിരുന്നു. രണ്ട് ദിവസം കഴിക്കുമ്പോൾ വലിയ ആഘോഷം വരാൻ പോകുന്നു എന്നാണ് ദീപിക കുറിച്ചത്. ഹൃത്വികിന്റെ തന്നെ സൂപ്പര്‍ഹിറ്റായ ബാങ് ബാങ്, വാര്‍ തുടങ്ങിയ ചിത്രങ്ങളുടെ സംവിധായകനാണ് സിദ്ധാര്‍ഥ് ആനന്ദ്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com