ഭാര്യ സൗമ്യയോടൊപ്പമുള്ള ചിത്രം പങ്കുവച്ച് പത്താം വിവാഹവാർഷികത്തിന്റെ സന്തോഷം പങ്കുവച്ചിരിക്കുകയാണ് രമേഷ് പിഷാരടി. പത്താം വിവാഹ വാർഷികം ആഘോഷിക്കുന്നു എന്നാണ് ചിത്രത്തിന് നൽകിയിരിക്കുന്ന അടിക്കുറിപ്പ്. നിരവധി താരങ്ങളും ആരാധകരും നടന് ഇൻസ്റ്റഹഗ്രാമിലും ഫേസ്ബുക്കിലുമൊക്കെ ആശംസകൾ കുറിച്ചിട്ടുണ്ട്. നടൻ കുഞ്ചാക്കോ ബോബൻ അടക്കമുള്ളവരാണ് പിഷാരടിക്കും ഭാര്യയ്ക്കും ആശംസകൾ നേർന്നിരിക്കുന്നത്.
മുൻപും കുടുംബവുമൊത്തുള്ള ചിത്രങ്ങൾ താരം സോഷ്യൽ മീഡിയയിൽ പങ്കുവച്ചിട്ടുണ്ട്. അടുത്തിടെ പങ്കുവച്ച ഒരു കുടുംബചിത്രത്തിന് ഒരു ഫാമിലി എന്റർടെയ്‌നർ എന്നാണ് പിഷാരടി ക്യാപ്ഷൻ നൽകിയത്. ഇത് ആരാധകർക്കിടയിൽ ഏറെ ശ്രദ്ധ നേടിയിരുന്നു.
മിമിക്രിയിൽ നിന്ന് മിനിസ്ക്രീനിലേക്കും പിന്നീട് സിനിമയിലേക്കും എത്തിയ താരമാണ് രമേഷ് പിഷാരടി. 2008-ൽ പുറത്തിറങ്ങിയ ‘പോസിറ്റീവ്’ എന്ന സിനിമയിലൂടെയായിരുന്നു സിനിമയിൽ അരങ്ങേറ്റം. സംവിധായകനായും മോളിവുഡിൽ തിളങ്ങിനിൽക്കുകയാണ് താരം. പഞ്ചവർണ്ണതത്ത, ഗാനഗന്ധർവ്വൻ എന്നീ രണ്ട് സിനിമകളാണ് പിഷാരടിയുടെ സംവിധാനത്തിൽ പിറന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
