'ശാന്തീ, ഇത്‌ നിനക്കല്ലാതെ മറ്റാർക്ക്‌ സമർപ്പിക്കാനാണ്, ബിജി തന്നെ ഉള്ളിലിരുന്നു പാടുന്നതുപോലെ'

അകാലത്തിൽ പൊലിഞ്ഞ ബിജിബാലിന്റെ ശാന്തിയാണ് ​ഗാനത്തിൽ നിറഞ്ഞു നിൽക്കുന്നത് എന്നാണ് ആരാധകരുടെ വാക്കുകൾ
ശാന്തിയും ബിജിബാലും, ഷഹബാസ് അമൻ/ ഫേയ്സ്ബുക്ക്
ശാന്തിയും ബിജിബാലും, ഷഹബാസ് അമൻ/ ഫേയ്സ്ബുക്ക്

യസൂര്യ നായകനായെത്തിയ വെള്ളം കഴിഞ്ഞ ദിവസമാണ് തിയറ്ററിൽ എത്തിയത്. ഒരു വർഷത്തോളം നീണ്ട കാത്തിരിപ്പിനൊടുവിൽ തിയറ്ററിൽ എത്തിയ ചിത്രമായിരുന്നു ഇത്. ചിത്രത്തിലെ ജയസൂര്യയുടെ പ്രകടനത്തിനൊപ്പം ഷഹബാസ് അമൻ ആലപിച്ച ആകാശമായവളേ എന്ന ​ഗാനവും ആരാധകരുടെ മനം കീഴടക്കുകയാണ്. നിധീഷ് നടേരിയുടെ വരികൾക്ക് ബിജിബാലാണ് ​സം​ഗീതം നൽകിയത്. 

മികച്ച അഭിപ്രായമാണ് ​ഗാനത്തിന് ലഭിക്കുന്നത്. അകാലത്തിൽ പൊലിഞ്ഞ ബിജിബാലിന്റെ ശാന്തിയാണ് ​ഗാനത്തിൽ നിറഞ്ഞു നിൽക്കുന്നത് എന്നാണ് ആരാധകരുടെ വാക്കുകൾ. ഹൃദയത്തിൽ തൊടുന്ന ​ഗാനത്തെക്കുറിച്ച് ​ഗായകൻ ഷഹബാസ് അമൻ എഴുതിയ വാക്കുകളാണ് ഇപ്പോൾ ആരാധകരുടെ കണ്ണു നിറക്കുന്നത്. ഇത്‌ പാടുമ്പോൾ ബിജി തന്നെയാണു ഉള്ളിലിരുന്ന് പാടുന്നതെന്ന് തോന്നിയെന്നും ശാന്തിക്ക് അല്ലാതെ മറ്റാർക്കാണ് ഈ ​ഗാനം സമർപ്പിക്കുക എന്നുമാണ് ഷഹബാസ് ചോദിക്കുന്നത്. 

ഷഹബാസ് അമന്റെ കുറിപ്പ് വായിക്കാം

ഇത്‌ പാടുമ്പോൾ ബിജി തന്നെയാണു ഉള്ളിലിരുന്ന് പാടുന്നതെന്ന് തോന്നി‌ !
ചില നേരത്തെ ഉത്തരം കൊടുക്കാൻ കഴിയാത്ത അവന്റെ നോട്ടങ്ങൾ കൊണ്ടാണു ഇതിന്റെ പല കുനുപ്പുകളും പൂരിപ്പിച്ചത്‌! അത്കൊണ്ട്‌ ഞങ്ങളുടെ തെളിഞ്ഞ ആകാശമേ..ശാന്തീ..ഇത്‌ നിനക്കല്ലാതെ മറ്റാർക്ക്‌ സമർപ്പിക്കാനാണു...‌
പ്രിയ പ്രജേഷിന്റെ 'വെള്ള' ത്തോടൊപ്പം ഈ പാട്ട്‌ കാണുകയും ചെയ്യുമല്ലൊ..
എല്ലാവരോടും സ്നേഹം...

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com