മുംബൈ: പ്രമുഖ ഗുജറാത്തി നടനും നടന്‍ ഷര്‍മാന്‍ ജോഷിയുടെ പിതാവുമായ അരവിന്ദ് ജോഷി അന്തരിച്ചു. 84 വയസ്സായിരുന്നു. മുംബൈയിലെ നാനാവതി ആശുപത്രിയില്‍ ഇന്ന് രാവിലെയായിരുന്നു അന്ത്യം. പ്രായാധിക്യമാണ് മരണകാരണം.
ഹൃദയത്തില്‍ അണുബാധ ഉണ്ടായതിനെത്തുടര്‍ന്ന് കഴിഞ്ഞ ഒരാഴ്ചയായി തീവ്രപരിചരണ വിഭാഗത്തില്‍ ചികിത്സയിലായിരുന്നു നടനെന്നാണ് റിപ്പോര്‍ട്ട്. ഇന്ന് പുലര്‍ച്ചെ മൂന്നരയോടെയാണ് മരണം. നടന്റെ അന്ത്യകര്‍മ്മങ്ങള്‍ ഇന്ന് ഉച്ചയ്ക്കുശേഷം മുംബൈയില്‍ വച്ച് നടത്തി. നടന്റെ വിയോഗത്തില്‍ പ്രമുഖരടക്കം നിരവധിപ്പേരാണ് ദുഃഖം രേഖപ്പെടുത്തിയത്.
ഷര്‍മാന്‍ ജോഷിയെക്കൂടാതെ മാനസി ജോഷി എന്നൊരു മകള്‍ കൂടി അരവിന്ദിനുണ്ട്. ടിവി താരം രോഹിത് റോയി ആണ് മാനസിയുടെ ഭര്‍ത്താവ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
