നീണ്ടനാളത്തെ പ്രണയത്തിന് ശേഷം അടുത്തിടെയാണ് നടി കാജൽ അഗർവാൾ വിവാഹിതയായത്. വ്യവസായി ഗൗതം കിച്ലു ആണ് താരത്തിന്റെ ഭർത്താവ്. വളരെ അപ്രതീക്ഷിതമായാണ് കാജൽ വിവാഹവാർത്ത പുറത്തുവിട്ടത്. ഇതുവരെ ലൈം ലൈറ്റിൽ വരാത്ത ഗൗതമിനെക്കുറിച്ച് അറിയാൻ ആരാധകർക്ക് വളരെ ആകാംക്ഷയായിരുന്നു. വിവാഹം കഴിഞ്ഞ് മാസങ്ങൾ പിന്നിട്ടിട്ടും ഇപ്പോഴും അതന് കുറവില്ല. കാജലിനോട് മാത്രമല്ല സഹോദരി നിഷ അഗർവാളിനോട് പോലും ഗൗതത്തെക്കുറിച്ചുള്ള വിശേഷങ്ങൾ ചോദിക്കുകയാണ് ആരാധകർ.
കഴിഞ്ഞ ദിവസം ഇൻസ്റ്റഗ്രാമിലൂടെയുള്ള ക്യു ആൻഡ് എ സെഷനിലാണ് നിഷ അഗർവാളിന് സഹോദരിയുടെ ഭർത്താവിനെക്കുറിച്ചുള്ള വിശേഷങ്ങൾ പങ്കുവെക്കേണ്ടിവന്നത്. അതിൽ ഒരു ആരാധകന്റെ ചോദ്യം ഗൗതം പണക്കാരനാണോ എന്നാതായിരുന്നു. ഇതിന് വളരെ മനോഹരമായാണ് നിഷ മറുപടി നൽകിയത്. അതെ എല്ലാ അര്ഥത്തിലും, അറിവിലും വിവേകത്തിലും ധനികനാണ്, നല്ല ഹൃദയത്താല് അനുഗ്രഹിക്കപ്പെട്ടവനുമാണ്- നിഷ കുറിച്ചു.
ആറ് വർഷത്തെ പ്രണയത്തിന് ശേഷമാണ് കഴിഞ്ഞ വർഷം ഒക്റ്റോബറിൽ കാജലും ഗൗതമും വിവാഹിതരായത്. അതുവരെ ഗൗതമിനെക്കുറിച്ച് കാജളിന്റെ അടുത്ത സുഹൃത്തുക്കള്ക്കും കുടുംബാംഗങ്ങള്ക്കുമല്ലാതെ മറ്റാര്ക്കും അറിവുണ്ടായിരുന്നില്ല. വിവാഹശേഷം ഇരുവരും ഒന്നിച്ച് കിച്ച്ഡ് എന്ന പുതിയ സംരംഭത്തിന് തുടക്കമിട്ടിരിക്കുകയാണ്. സിനിമയിലും സജീവമാണ് കാജൾ. താരത്തിന്റേതായി അഞ്ചു ചിത്രങ്ങളാണ് പുറത്തിറങ്ങാനുള്ളത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ