പച്ചമാങ്ങ ഉപ്പം മുളകും ഇട്ട് കഴിക്കാന് ഇഷ്ടമല്ലാത്തവര് ആരുണ്ട്? ചെറിയ കഷ്ണങ്ങളാക്കി മുറിച്ചിട്ട മാങ്ങയിലേക്ക് മുളകുപൊടിയും ഉപ്പും വിതറി കഴിക്കുന്നത് പലരെയും കുട്ടിക്കാല ഓര്മ്മയിലേക്ക് എത്തിക്കും. ബോളിവുഡ് നടി ദീപിക പദുക്കോണിനും പ്രിയപ്പെട്ടതാണ് ഈ കോംമ്പോ.
നടിയുടെ പുതിയ ഇന്സ്റ്റഗ്രാം റീലില് ദീപിക പങ്കുവച്ചിരിക്കുന്നത് മാങ്ങ കൊണ്ടുള്ള ഒരു പ്രാങ്ക് വിഡിയോ ആണ്. സെലിബ്രിറ്റി ഹെയര്സ്റ്റൈലിസ്റ്റ് ആന്നി സപ്പാടോറിയാണ് നടിയുടെ ഇര. മാങ്ങ കഴിക്കുന്നതിനിടയില് സംഗതി രുചിച്ചുനോക്കാന് ആന്നിയെ നിര്ബന്ധിക്കുന്നുണ്ട് നടി. ഉപ്പും ഒരു പ്രത്യേക മസാലയുമാണ് വിതറിയിരിക്കുന്നത് എന്നാണ് പറഞ്ഞത്.
മാങ്ങയെടുത്ത് ആദ്യത്തെ കടി വായിലെത്തിയതും ആന്നിക്ക് കാര്യം മനസ്സിലായി. "എങ്ങനെയാണ് നിങ്ങള്ക്കിത് ഇഷ്ടപ്പെടുന്നത്? എന്റെ വാ കത്തുന്നു" എന്നായിരുന്നു ആദ്യത്തെ പ്രതികരണം. ഇത് കേട്ടത്തും ഉച്ചത്തില് ചിരിക്കുകയാണ് ദീപിക. ഞൊടിയിടയില് വൈറലായ വിഡിയോ ഇതിനോടകം അഞ്ചര ലക്ഷത്തിലേറെ ആളുകള് കണ്ടുകഴിഞ്ഞു. രസകരമായ കമന്റുകളാണ് വിഡിയോ നേടുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ