മൃദുല വിജയ്‌യും യുവകൃഷ്ണയും വിവാഹിതരായി; ചിത്രങ്ങൾ

തിരുവനന്തപുരം ആറ്റുകാൽ ക്ഷേത്രത്തിൽ വച്ചായിരുന്നു ചടങ്ങുകൾ
മൃദുല വിജയ് യും യുവകൃഷ്ണയും/ ഇൻസ്റ്റ​ഗ്രാം
മൃദുല വിജയ് യും യുവകൃഷ്ണയും/ ഇൻസ്റ്റ​ഗ്രാം

സീരിയൽ താരങ്ങളായ മൃദുല വിജയ്‌യും യുവകൃഷ്ണയും വിവാഹിതരായി. ഇന്ന് രാവിലെ തിരുവനന്തപുരം ആറ്റുകാൽ ക്ഷേത്രത്തിൽ വച്ചായിരുന്നു ചടങ്ങുകൾ. കോവിഡ് മാനദണ്ഡങ്ങള്‍ നിലനിൽക്കുന്നതിനാൽ അടുത്ത ബന്ധുക്കൾ മാത്രമാണ് ചടങ്ങിൽ പങ്കെടുത്തത്.

കേരളസാരിയുടുത്ത് അതിസുന്ദരിയായാണ് മൃദുല എത്തിയത്. മുണ്ടും ഷർട്ടുമായിരുന്നു യുവകൃഷ്ണയുടെ വേഷം. ഇവരുടെ വിവാഹ ചിത്രങ്ങളും വിഡിയോയും സോഷ്യൽ മീഡിയയിൽ വൈറലാവുകയാണ്. കഴിഞ്ഞ ദിവസം ഹൽദി ചടങ്ങുകളുടെ ചിത്രവും മൃദുല പങ്കുവെച്ചിരുന്നു. ഇതും സോഷ്യൽ മീഡിയയുടെ മനം കവർന്നിരുന്നു. 

2015 മുതൽ അഭിനയ രംഗത്ത് സജീവമാണ് മൃദുല വിജയ്. ‌ ‘കൃഷ്ണതുളസി’യെന്ന സീരിയലിലൂടെയാണ് ശ്രദ്ധേയയാകുന്നത്. നര്‍ത്തകിയായും തിളങ്ങി. മഞ്ഞിൽ വിരിഞ്ഞ പൂവ് സീരിയലിലെ മനു പ്രതാപ് എന്ന കഥാപാത്രത്തിലൂടെയാണ് യുവകൃഷ്ണ പ്രേക്ഷക പ്രീതി നേടുന്നത്. ഒരു പൊതുസുഹൃത്ത് വഴി വന്ന ആലോചന രണ്ട് കുടുംബക്കാരും ആലോചിച്ച് ഉറപ്പിക്കുകയായിരുന്നു. അഭിനയമല്ലാതെ മാജിക്കും മെന്റലിസവുമാണ് യുവയുടെ ഇഷ്ടമേഖലയാണ്.

തിരുവനന്തപുരം സ്വദേശിയാണ് മൃദുല.  വിജയകുമാറും റാണിയുമാണ് മാതാപിതാക്കൾ. ഏക സഹോദരി പാർവ്വതി. സംഗീത-നൃത്ത അധ്യാപികയായ കൃഷ്ണവേണിയാണ് യുവയുടെ അമ്മ. നന്ദിനിയും നന്ദിതയുമാണ് സഹോദരിമാർ.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com