ആര്യയെ നായകനാക്കി പാ രഞ്ജിത്ത് സംവിധാനം ചെയ്യുന്ന 'സാര്പട്ടാ പരമ്പരൈ' എന്ന ചിത്രത്തിന്റെ ട്രെയിലർ പുറത്തുവിട്ടു. വടക്കന് ചെന്നൈയിലെ പരമ്പരാഗത ബോക്സിംഗ് മത്സരങ്ങളെ മുന്നിര്ത്തി ഒരുക്കിയിരിക്കുന്ന ചിത്രത്തിൽ വമ്പൻ മേക്കോവറിലാണ് ആര്യ എത്തുക. കബിലന് എന്നാണ് ആര്യയുടെ കഥാപാത്രം.
സാര്പട്ടാ പരമ്പരയെ പ്രതിനിധീകരിച്ചിരുന്ന ചാമ്പ്യനായിരുന്നു 'നോക്കൗട്ട് കിങ്' എന്നറിയപ്പെട്ടിരുന്ന കാശിമേട് ആറുമുഖത്തിന്റെ ജീവചരിത്രം ആര്യയുടെ കഥാപാത്രത്തിന് അടിസ്ഥാനമാണെന്ന് റിപ്പോർട്ടുകളുണ്ട് . എന്നാൽ ഇതേക്കുറിച്ച് സിനിമയുടെ അണിയറപ്രവർത്തകർ ഔദ്യോഗികമായി പ്രതികരിച്ചിട്ടില്ല. വെമ്പുലി എന്ന കഥാപാത്രമായി ജോണ് കൊക്കന്, വെട്രിസെല്വനായി കലൈയരസനും, രംഗന് വാത്തിയാരായി പശുപതിയും ചിത്രത്തിലുണ്ട്.സഞ്ജന നടരാജന് ആണ് നായിക.
ജൂലൈ 22ന് ആമസോൺ പ്രൈം വീഡിയോയിൽ സിനിമ റിലീസ് ചെയ്യും
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ