തന്റെ ഗര്ഭകാല അനുഭവങ്ങളെക്കുറിച്ച് പങ്കുവച്ചുകൊണ്ട് നടി കരീന കപൂര് എഴുതിയ ബുക്കാണ് കരീന കപൂര് ഖാന്സ് പ്രെഗ്നന്സി ബൈബിള്. ഗര്ഭകാലത്ത് ചെയ്ത ഒരു ഫോട്ടോഷൂട്ടില് അനുഭവിച്ച ബുദ്ധിമുട്ടുകളെക്കുറിച്ചും ഇതില് പറയുന്നുണ്ട്. നടിമാരുടെ ഗര്ഭകാലം ഏറെ ഗ്ലാമറസാണെന്ന ആളുകളുടെ ധാരണ മുന്നിര്ത്തിയാണ് തന്റെ ഒരു അനുഭവം കരീന പറയുന്നത്.
' സെലിബ്രിറ്റികളുടെ ഗര്ഭകാലം ഏറെ ഗ്ലാമറസാണെന്നാണ് ആളുകള് കരുതുന്നത്. ഞാന് ഗര്ഭിണിയായിരുന്നപ്പോഴും അത് അങ്ങനെ കാണാനായി പരിശ്രമിച്ചിരുന്നു. പക്ഷെ എനിക്ക് അതൊട്ടും ഗ്ലാമറസായി തോന്നിയില്ല (ഗര്ഭിണിയായിരിക്കുമ്പോള് ആര്ക്കാണ് അങ്ങനെ തോന്നുന്നത്). എന്റെ ശരീരഭാരം വല്ലാതെ കൂടി. ശരീരത്തില് ചുവന്ന തടിപ്പുകള് കണ്ടു. എന്നും വൈകിട്ട് അഞ്ച് മണിയാകുമ്പോള് തന്നെ ഉറക്കം തൂങ്ങും. ഈ ബുക്കില് ഞാന് കടന്നുപോയ കാര്യങ്ങള് സത്യസന്ധമായി പറയുകയാണ്. ഭ്രാന്തമായി ഭക്ഷണം കഴിച്ചിരുന്നതുമുതല് ഫോട്ടോഷൂട്ടിനിടയില് ക്ഷീണിച്ച് തലകറങ്ങി വീണതുവരെ', പുസ്തകത്തിന്റെ ആമുഖത്തില് കരീന കുറിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ