സിനിമാ ചിത്രീകരണത്തിനിടെ നടൻ വിശാലിന് പരുക്ക്. താരത്തിന്റെ 31ാം ചിത്രത്തിലെ ക്ലൈമാക്സ് ആക്ഷൻ സീൻ ചിത്രീകരിക്കുന്നതിനിടയിലാണ് തോളിന് പരുക്കേറ്റത്. മലയാളിതാരം ബാബുരാജാണ് ചിത്രത്തിൽ വില്ലൻ കഥാപാത്രത്തെ അവതരിപ്പിക്കുന്നത്. വിശാലിനെ ബാബുരാജ് എടുത്തെറിയുന്ന സീക്വൻസ് ചിത്രീകരിക്കുമ്പോഴായിരുന്നു അപകടം.
റോപ്പിൽ കെട്ടി ഉയർന്ന വിശാലിന്റെ തോള് ഭിത്തിയിൽ വന്ന് ഇടിക്കുകയായിരുന്നു. സെറ്റിൽ ഫിസിയോതെറാപ്പിസ്റ്റ് ഉണ്ടായിരുന്നതിനാൽ ഉടൻ തന്നെ വൈദ്യസഹായം നേടി. രണ്ട് ദിവസത്തെ വിശ്രമം ഡോക്ടർ പറഞ്ഞിട്ടുണ്ട്.
ഹൈദരാബാദിലാണ് സിനിമയുടെ ഷൂട്ടിങ് നടക്കുന്നത്. അതിനിടെ വിശാലിന് പരുക്കേൽക്കുന്ന ദൃശ്യങ്ങൾ സോഷ്യൽ മീഡിയയിൽ വൈറലാവുകയാണ്. നവാഗതനായ ശരവണനാണ് ചിത്രം സംവിധാനം ചെയ്യുന്നത്. ജോജിയിലെ ബാബുരാജിന്റെ പ്രകടനം കണ്ടാണ് ചിത്രത്തിൽ അവസരം ലഭിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
