'എന്റെ പേരിൽ ആരോ ഒരാൾ ടെല​ഗ്രാമിൽ ചാറ്റ് ചെയ്യുന്നു'; മുന്നറിയിപ്പുമായി മാളവിക മോഹനൻ

നിക്ക് ടെല​ഗ്രാമിൽ അക്കൗണ്ട് ഇല്ലെന്നും മാളവിക വ്യക്തമാക്കി
മാളവിക/ ഇൻസ്റ്റ​ഗ്രാം
മാളവിക/ ഇൻസ്റ്റ​ഗ്രാം

തെന്നിന്ത്യയിലെ ഇഷ്ട നായികയാണ് മാളവിക മോഹനൻ. ഇപ്പോൾ തന്റെ സുഹൃത്തുക്കൾക്കും ആരാധകർക്കും മുന്നറിയിപ്പുമായി എത്തിയിരിക്കുകയാണ് താരം. തന്റെ പേരിൽ ആരോ ടെല​ഗ്രാമിൽ ചാറ്റ് ചെയ്യുന്നുണ്ടെന്നാണ് താരം പറയുന്നത്. തനിക്ക് ടെല​ഗ്രാമിൽ അക്കൗണ്ട് ഇല്ലെന്നും മാളവിക വ്യക്തമാക്കി. സുഹൃത്തുക്കൾക്കും മറ്റും സന്ദേശം ലഭിച്ചതോടെയാണ് താരം മുന്നറിയിപ്പുമായി എത്തിയത്. 

ആരോ ഒരാള്‍ ടെലിഗ്രാമില്‍ ഞാനാണെന്ന പേരില്‍ സംസാരിക്കുന്നു. എന്റെ സുഹൃത്തുക്കളോടും പരിചയക്കാരോടും അയാള്‍ ചാറ്റ് ചെയ്യുന്നു. നിങ്ങള്‍ക്ക് എന്തെങ്കിലും മെസേജ് ലഭിക്കുകയാണെങ്കില്‍ അത് അവഗണിക്കുക, അല്ലെങ്കില്‍ അറിയിക്കുക. ടെലിഗ്രാമില്‍ ഇല്ല. വാട്സ്ആപ്പിലാണുള്ളത്. അല്ലെങ്കിൽ ഇൻസ്റ്റ​യിൽ മെസേജ് അയക്കൂ. ആ വൃത്തികെട്ടവർക്കൊഴികെ എല്ലാവരോടും സ്നേഹം- മാളവിക കുറിച്ചു. ഇൻസ്റ്റ​ഗ്രാം സ്റ്റോറിയായിട്ടാണ് താരത്തിന്റെ കുറിപ്പ്. 

വിജയ് ചിത്രം മാസ്റ്ററിൽ നായികയായി എത്തിയതോടെ തെന്നിന്ത്യയിൽ തിളങ്ങി നിൽക്കുകയാണ് മാളവിക. ധനുഷിന്റെ പുതിയ ചിത്രത്തിലും മാളവിക മോഹനാണ് നായിക എന്ന് റിപ്പോര്‍ട്ടുണ്ടായിരുന്നു.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com