ലൂസിഫറിലൂടെ മലയാളത്തിലെ മികച്ച സംവിധായകരുടെ കൂട്ടത്തിലാണ് പൃഥ്വിരാജിന്റെ സ്ഥാനം. ഇപ്പോൾ മോഹൻലാലിനെ നായകനാക്കി മറ്റൊരു സിനിമയുടെ പണിപ്പുരയിലാണ് താരം. ബ്രോഡാഡി എന്ന് പേരിട്ടിരിക്കുന്ന ചിത്രത്തിന്റെ ഷൂട്ടിങ് ഹൈദരാബാദിൽ പുരോഗമിക്കുകയാണ്. ഇപ്പോൾ സോഷ്യൽ മീഡിയയിൽ ചിരി നിറക്കുന്നത് പൃഥ്വിരാജ് പങ്കുവെച്ച ലൊക്കേഷൻ ചിത്രമാണ്.
ഛായാഗ്രാഹകൻ അഭിനന്ദൻ രാമാനുജന്റെ ചിത്രമാണ് താരം പോസ്റ്റ് ചെയ്തിരിക്കുന്നത്. കാമറയ്ക്കൊപ്പം ക്രെയിനിൽ നിൽക്കുന്ന അഭിനന്ദനാണ് ചിത്രത്തിൽ. രസകരമായ അടിക്കുറിപ്പിനൊപ്പമാണ് പോസ്റ്റ്. ഇതുകൊണ്ടാണെന്നു തോന്നുന്നു ഛായാഗ്രാഹകർ എനിക്കൊപ്പം വർക്ക് ചെയ്യാൻ മടിക്കുന്നത് എന്നായിരുന്നു താരം കുറിച്ചത്.
അതിനു പിന്നാലെ രസകരമായ കമന്റുമായി സുപ്രിയയും എത്തി. അഭിനന്ദൻ പൃഥ്വിരാജിനോട്, ഈ ഉയരത്തിൽ നിൽക്കുന്നതുകൊണ്ട് ഒന്നും കേൾക്കുന്നില്ല- എന്നായിരുന്നു കമന്റ്. കൂടാതെ നിരവധി ആരാധകരും രസികൻ കമന്റുകളുമായി എത്തുന്നുണ്ട്. ഇതിനെയാണല്ലേ എയറിലാണെന്നു പറയുന്നത് എന്നായിരുന്നു ഒരാളുടെ കമന്റ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
