നടി പ്രണിത സുഭാഷ് വിവാഹിതയായി. ബെംഗളൂരു സ്വദേശിയായ വ്യവസായി നിധിൻ രാജുവാണ് വരൻ. ഞായറാഴ്ചയായിരുന്നു ഇവരുടെ വിവാഹം. കോവിഡ് പശ്ചാത്തലത്തിൽ ലളിതമായാണ് വിവാഹം നടത്തിയത്. പ്രണിത തന്നെയാണ് ഇക്കാര്യം ആരാധകരുമായി പങ്കുവച്ചത്.
കോവിഡ് വ്യാപനം രൂക്ഷമായ സാഹചര്യത്തിൽ വിവാഹചടങ്ങുകൾ നിശ്ചയിച്ച ദിവസം തന്നെ നടക്കുമോ എന്ന് ഉറപ്പില്ലായിരുന്നെന്നും ഇതിനാലാണ് ഇക്കാര്യം നേരത്തെ അറിയാക്കാതിരുന്നതെന്നും നടി പറഞ്ഞു.
കന്നട ചിത്രം പോകിരിയിലൂടെയാണ് പ്രണിത അരങ്ങേറ്റം കുറിച്ചത്. കന്നട, തമിഴ്, തെലുങ്ക് ഭാഷകളിൽ നിരവധി സിനിമകളിൽ അഭിനയിച്ച നടി പ്രിയദർശൻ ചിത്രം ഹാംഗാമ 2വിലൂടെ ബോളിവുഡിലും അരങ്ങേറ്റം കുറിച്ചിരിക്കുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
