കോവിഡ് വാക്സിൻ സ്വീകരിച്ച് നടൻ ഉണ്ണി മുകുന്ദൻ. ഫേയ്സ്ബുക്കിലൂടെ താരം തന്നെയാണ് വാക്സിന്റെ ആദ്യ ഡോസ് കുത്തിവയ്പ്പെടുത്ത വിവരം ആരാധകരെ അറിയിച്ചത്. വാക്സിനെടുക്കുന്നതിന്റെ ചിത്രവും ഉണ്ണി മുകുന്ദൻ പങ്കുവെച്ചു.
കോവിഷീൽഡ് വാക്സിനാണ് താരം സ്വീകരിച്ചത്. എറണാകുളത്തെ ലക്ഷ്മി ഹോസ്പിറ്റലിൽ എത്തിയാണ് താരം വാക്സിനെടുത്തത്. എത്രയും പെട്ടെന്ന് വാക്സിനെടുക്കണമെന്നു താരം ആരാധകരോട് ആവശ്യപ്പെട്ടു.
താരത്തിന്റേതായി നിരവധി ചിത്രങ്ങളാണ് റിലീസിന് ഒരുങ്ങുന്നത്. കൂട്ടത്തിൽ ആരാധകർ ഏറ്റവും പ്രതീക്ഷയോടെ കാത്തിരിക്കുന്നത് മേപ്പടിയാനാണ്. ചിത്രത്തിനായി മാസങ്ങൾ നീണ്ടു നിൽക്കുന്ന മേക്കോവറാണ് താരം നടത്തിയത്. കൂടാതെ ഉണ്ണി ആദ്യമായി നിർമാതാവാകുന്ന ചിത്രം കൂടിയാണിത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ