ബംഗളൂരു: ദേശീയ അവാര്‍ഡ് ജേതാവും കന്നട നടനുമായ സഞ്ചാരി വിജയ് വാഹനാപകടത്തില്‍ മരിച്ചു. 38 വയസായിരുന്നു. ബംഗളുരു എല്‍ ആന്‍ഡ് ടി സൗത്ത് സിറ്റിയിലെ ജെപി നഗര്‍ സെവന്‍ത് ഫേസില്‍ വെച്ചാണ് ശനിയാഴ്ച രാത്രിയാണ് അപകടം നടന്നത്.
വിജയ് സഞ്ചരിച്ച ബൈക്ക് ഇലക്ട്രിക് പോസ്റ്റില്‍ ഇടിച്ച് റോഡില്‍ തെന്നിമാറിയതാണ് അപകടത്തിന് കാരണമായതെന്ന് പൊലീസ് പറഞ്ഞു. അബൈക്ക് ഓടിച്ചിരുന്ന വിജയ്‌യുടെ സുഹൃത്ത് നവീനും ആശുപത്രിയിലാണ്. ഇയാളുടെ പരിക്ക് ഗുരുതരമല്ല.
ബംഗളുരു സിറ്റി ആശുപത്രിയില്‍ അത്യാഹിത വിഭാഗത്തില്‍ ചികിത്സയ്ക്കിടെയായിരുന്നു അന്ത്യം. അപകടത്തില്‍ സഞ്ചാരി വിജയ്‌യുടെ തലയ്ക്ക് സാരമായി പരിക്കേറ്റിരുന്നു. തലച്ചോറില്‍ രക്തം കട്ടപിടിച്ചതിനാല്‍ അടിയന്തര ശസ്ത്രക്രിയ നടത്തിയതായും റിപ്പോര്‍ട്ടുകള്‍ ഉണ്ട്‌
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
