'ബ്രോ ഡാഡി'; പൃഥ്വിയുടെ രണ്ടാമത്തെ ചിത്രത്തിലും നായകൻ മോഹൻലാൽ, കല്യാണി പ്രിയദർശനും 

സംവിധാനം ചെയ്യുന്ന രണ്ടാമത്തെ ചിത്രത്തിന്റെ കൂടുതൽ വിവരങ്ങൾ പുറത്തുവിട്ട് പൃഥ്വിരാജ്. 'ബ്രോ ഡാഡി' എന്ന് പേരിട്ടിരിക്കുന്ന ചിത്രത്തിൽ മോഹൻലാൽ ആണ് നായകൻ. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂരാണ് ചിത്രം നിർമ്മിക്കുന്നത്. 

സിനിമയിൽ കല്യാണി പ്രിയദർശനാണ് മറ്റൊരു പ്രധാന വേഷത്തിൽ എത്തുന്നത്. മീന, ലാലു അലക്സ്, മുരളി ​ഗോപി, കനിഹ, സൗബിൻ എന്നിവരാണ് ചിത്രത്തിലെ മറ്റു താരങ്ങൾ. രസകരമായ ഒരു കുടുംബ ചിത്രമായിരിക്കും ഇതെന്നും ഒരുപാട് സന്തോഷിക്കാനും ചിരിക്കാനുമുള്ള മുഹൂർത്തങ്ങളായിരിക്കും സിനിമ സമ്മാനിക്കുകയെന്നും പൃഥ്വി സോഷ്യൽ മീഡിയയിൽ കുറിച്ചു. ശ്രീജിത് എൻ, ബിബിൻ മാളിയേക്കൽ എന്നിവർ ചേർന്നാണ് ചിത്രത്തിന്റെ തിരക്കഥ. സിനിമ വളരെ പെട്ടെന്ന് തന്നെ ആരംഭിക്കുമെന്നും പൃഥ്വി അറിയിച്ചു. 

പൃഥ്വിരാജിന്റെ കന്നി സംവിധാന ചിത്രമായ ലൂസിഫറിന്റെ രണ്ടാം ഭാ​ഗമായി പ്രഖ്യാപിച്ച എമ്പുരാൻ ആയിരിക്കും നടൻ ഒരുക്കുന്ന രണ്ടാമത്തെ ചിത്രം എന്നാണ് പ്രതീക്ഷിച്ചിരുന്നത്. എന്നാൽ അപ്രതീക്ഷിതമായി പുതിയ സിനിമ പ്രഖ്യാപിച്ചിരിക്കുക