സിനിമയിലൂടെയും ടെലിവിഷനിലൂടെയും ആരാധകരുടെ മനം കവർന്ന താരമാണ് ആര്യ. സോഷ്യൽ മീഡിയയിൽ ആക്റ്റീവായ താരം സ്റ്റൈലിഷ് ചിത്രങ്ങളും വിശേഷങ്ങളുമെല്ലാം ആരാധകർക്കായി പങ്കുവെക്കാറുണ്ട്. കഴിഞ്ഞ ദിവസം സ്വിമ്മിങ് പൂളിൽ നിന്നുള്ള മനോഹര ചിത്രവും താരം പോസ്റ്റു ചെയ്തിരുന്നു. കറുത്ത സ്ലീവ് ലവ്ലസ് വസ്ത്രം ധരിച്ചു നിൽക്കുന്ന ആര്യയായിരുന്നു ചിത്രത്തിൽ ശക്തമായ അടിക്കുറിപ്പിനൊപ്പമായിരുന്നു ചിത്രം.
അവൾ വെള്ളമാണ്, നിങ്ങളെ മുക്കാൻ ശക്തിയുള്ളവൾ, ശുചീകരിക്കാനും മാത്രം സോഫ്റ്റായവൾ, നിങ്ങളെ സംരക്ഷിക്കാനും മാത്രം ആഴമുള്ളവൾ- എന്നാണ് ആര്യ കുറിച്ചത്. നിരവധി പേരാണ് ചിത്രത്തിന് കമന്റുമായി എത്തിയത്. അതിനിടെ താരത്തെ ആക്ഷേപിക്കുന്ന തരത്തിലുള്ള കമന്റുകളും എത്തി.
എരുമ വെള്ളത്തിൽ കിടക്കുന്നതുപോലെയുണ്ട് എന്നായിരുന്നു ഒരാളുടെ കമന്റ്. ഇതിന് രൂക്ഷ മറുപടിയുമായി താരം രംഗത്തെത്തി. കണ്ണ് നന്നായി പരിശോധിക്കുന്നത് നല്ലതായിരിക്കുമെന്നും ഇത് തന്റെ ചിത്രമല്ല എന്റേതാണ് എന്നുമായിരുന്നു ആര്യ മറുപടിയായി കുറിച്ചത്. തമിഴിൽ വന്ന കമന്റിന് തമിഴിൽ തന്നെയാണ് താരം മറുപടി നൽകിയത്. മേക്കപ്പ് കുറഞ്ഞോ ചേട്ടാ എന്ന കമന്റിന് ലേശം എന്നായിരുന്നു മറുപടി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ