സ്റ്റൈലിഷ് ഗെറ്റപ്പിലെത്തി ആരാധകരെ അമ്പരപ്പിക്കാറുള്ള നടിയാണ് സാനിയ അയ്യപ്പൻ. ഇപ്പോൾ സോഷ്യൽ മീഡിയയിൽ വൈറലാവുന്നത് താരത്തിന്റെ പുത്തൻ ഫോട്ടോഷൂട്ടാണ്. ഹോളിവുഡ് ലുക്കിൽ അതീവ സുന്ദരിയായാണ് താരം എത്തുന്നത്.
അക്വാ ഗ്രീൻ നിറത്തിലുള്ള ലോങ് ഓഫ് ഷോൾഡർ സിംഗിൾ സ്ലീവ് ഡ്രസ്സാണ് താരം അണിഞ്ഞിരിക്കുന്നത്. ഫ്രന്റ് സ്ലിറ്റാണ് വേഷത്തെ മനോഹരമാക്കുന്നത്. തലമുടി മുകളിൽ ബൺ ചെയ്ത് വെച്ചിരിക്കുന്നത് ഷോൾഡർ ഏരിയയെ കൂടുതൽ ഹൈലൈറ്റ് ചെയ്യുന്നുണ്ട്. കാര്യമായ ആഭരണങ്ങളൊന്നുമില്ലാതെ സിംപിൾ ലുക്കിലാണ് സാനിയ എത്തുന്നത്.
ഫാഷൻ പരീക്ഷണങ്ങളിലൂടെ കയ്യടി നേടാറുള്ള താരത്തിന്റെ പുത്തൻ ലുക്കും ആരാധകരുടെ മനം കവരുകയാണ്. താരത്തെ പ്രശംസിച്ചുകൊണ്ട് നിരവധി കമന്റുകളാണ് വരുന്നത്. അഖിൽ പിടിയാണ് ചിത്രങ്ങൾ പകർത്തിയത്. പാരീസ് ഡെ ബൗട്ടികാണ് വസ്ത്രം ഡിസൈന്‍ ചെയ്തത്. സജിത് അന്‍ഡ് സുജിത്താണ് മേക്കപ്പ്. അസാനിയ നസ്രിനാണ് സ്റ്റൈലിങ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
