മുഖ്യമന്ത്രിയായി മമ്മൂട്ടി എത്തുന്ന വൺ ചിത്രത്തിൽ വിവേക് ഗോപനും. മുഖ്യമന്ത്രിയുടെ പ്രൈവറ്റ് സെക്രട്ടറി റോഷൻ അലക്സ് എന്ന കഥാപാത്രത്തെയാണ് താരം എത്തുന്നത്. താരത്തിന്റെ ക്യാരക്റ്റർ പോസ്റ്റർ പുറത്തുവിട്ടു. തെരഞ്ഞെടുപ്പ് പ്രചാരണ തിരക്കിലാണ് വിവേക് ഗോപൻ. ചവറ മണ്ഡലത്തിൽ ബിജെപി സ്ഥാനാർഥിയായാണ് താരം മത്സരിക്കുന്നത്.
പൊളിറ്റിക്കല് എന്റര്ടെയിനറായി ഒരുങ്ങുന്ന ചിത്രത്തിൽ കടക്കല് ചന്ദ്രന് എന്ന കഥാപാത്രമായാണ് മമ്മൂട്ടി അവതരിപ്പിക്കുന്നത്. സന്തോഷ് വിശ്വനാഥാണ് ചിത്രം സംവിധാനം ചെയ്തിരിക്കുന്നത്. ബോബി-സഞ്ജയ് കൂട്ടുകെട്ടാണ് തിരക്കഥ. വൻ താരനിരയിലാണ് ചിത്രം ഒരുക്കിയിരിക്കുന്നത്.
കഴിഞ്ഞ ദിവസം പുറത്തിറങ്ങിയ വൺ ട്രെയിലർ ശ്രദ്ധ നേടിയിരുന്നു. സമകാലീന കേരളത്തിലെ രാഷ്ട്രീയ സാമൂഹിക സാഹചര്യങ്ങളും ചിത്രത്തിൽ കടന്നുവരുന്നുണ്ടെന്നാണ് ട്രെയിലറിൽ നിന്ന് ലഭിക്കുന്ന സൂചന. ഇച്ചായിസ് പ്രൊഡക്ഷന്സിന്റെ ബാനറില് ശ്രീലക്ഷ്മിയാണ് നിര്മ്മാണം. വൈദി സോമസുന്ദരം ക്യാമറയും, ഗോപിസുന്ദര് സംഗീത സംവിധാനവും. മമ്മൂട്ടിക്കൊപ്പം ജോജു ജോര്ജ്, നിമിഷാ സജയന്, മുരളി ഗോപി, രഞ്ജിത്ത്, സലിം കുമാര്, ബാലചന്ദ്രമേനോന്,ശങ്കര് രാമകൃഷ്ണന്, മാമുക്കോയ തുടങ്ങിയ വലിയ താരനിരതന്നെയുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ