സീരിയൽ നടൻ അഖിൽ ആനന്ദിന്റെ വിവാഹവേദിയിൽ നിറഞ്ഞാടിയ കുട്ടിതാരം വൃദ്ധി വിശാലിന്റെ വിഡിയോ ഞൊടിയിടയിലാണ് സോഷ്യൽ മീഡിയയിൽ വൈറലായത്. ഇപ്പോഴിതാ തർപ്പൻ ഒരു പാട്ടുമായാണ് വൃദ്ധിക്കുട്ടി എത്തിയിരിക്കുന്നത്. മലയാളത്തിലല്ല തെലുങ്കിലാണ് ഇക്കുറി പ്രകടനം. അല്ലു അർജുൻ സിനിമയിലെ ‘സാമജവരഗമനാ’ എന്നു തുടങ്ങുന്ന ഗാനമാണ് വൃദ്ധി വിഡിയോയിൽ പാടുന്നത്.
'കാക്കോത്തിക്കാവിലെ അപ്പൂപ്പൻ താടികൾ' എന്ന ചിത്രത്തിലെ ‘കണ്ണാം തുമ്പി പോരാമോ’ എന്ന പാട്ട് വളരെ ആസ്വദിച്ചു പാടുന്ന വൃദ്ധിയുടെ ഒരു വിഡിയോ നേരത്തെ ശ്രദ്ധനേടിയിരുന്നു. ഇതിനുപിന്നാലെയാണ് പുതിയ ഭാഷയിലേക്ക് ചുവടുമാറിയുള്ള പുത്തൻ പ്രകടനം. കടിച്ചാൽ പൊട്ടാത്ത വാക്കുകളൊന്നും ഗൗനിക്കാതെ ആസ്വദിച്ചുതന്നെയാണ് വൃദ്ധിയുടെ പാട്ട്.
കൊച്ചി സ്വദേശിയായ വിശാലിന്റേയും ഗായത്രിയുടേയും മകളാണ് യുകെജി വിദ്യാർഥിനിയായ വൃദ്ധി. ഇതിനോടകം രണ്ട് സിനിമകളിലും വൃദ്ധി അഭിനയിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
