മാസ്റ്ററിൽ വിജയുടെ നായികയായി എത്തിയതോടെ തെന്നിന്ത്യൻ സിനിമയിലെ മുൻനിര താരമായിരിക്കുകയാണ് മാളവിക മോഹനൻ. സോഷ്യൽ മീഡിയയിൽ ആക്റ്റീവായ താരം വ്യത്യസ്തമായ ഫോട്ടോഷൂട്ടുകളിലൂടെ ആരാധകരെ ഞെട്ടിക്കാറുണ്ട്. താരത്തിന്റെ പുത്തൻ ചിത്രങ്ങളാണ് ആരാധകരുടെ മനം കവരുന്നത്. പാവാടയും ബ്ലൗസും അണിഞ്ഞ് അതീവ ഗ്ലാമറസ് ലുക്കിലാണ് താരം എത്തുന്നത്.
ചെറുപയർ പച്ച നിറത്തിലുള്ള ലോങ് സ്കർട്ടും ബ്ലൗസുമാണ് താരത്തിന്റെ വേഷം. ഡീപ് നെക്കിലുള്ള ബ്ലൗസ് താരത്തിന് ഗ്ലാമറസ് ലുക്ക് നൽകുന്നുണ്ട്. ഇതിനൊപ്പം വെള്ളി ആഭരണങ്ങളാണ് താരം അണിഞ്ഞിരിക്കുന്നത്. പാറക്കെട്ടുകളുള്ള പശ്ചാത്തലത്തിൽ നിന്നുള്ള ചിത്രങ്ങൾ മണി രത്നം സിനിമകളിലെ ഗാനരംഗത്തെ ഓർമിപ്പിക്കുന്നതാണ്. അര്ജുന് കാമത്താണ് ചിത്രം പകര്ത്തിയിരിക്കുന്നത്. വർധ അഹമ്മദാണ് വേഷം ഒരുക്കിയത്.
എന്തായാലും ആരാധകരുടെ മനം കവരുകയാണ് ചിത്രങ്ങൾ. മലയാള നടിമാരായ ആൻ അഗസ്റ്റിൻ, ഗൗതമി ഉൾപ്പടെ നിരവധി പേരാണ് ചിത്രത്തിൽ കമന്റ് ചെയ്തിരിക്കുന്നത്. ഛായാഗ്രാഹകന് കെ.യു മോഹനന്റെ മകളായ മാളവിക 2013 ല് പുറത്തിറങ്ങിയ 'പട്ടം പോലെ' എന്ന ചിത്രത്തിലൂടെയാണ് സിനിമയിലെത്തിയത്. നിര്ണായകം, ബിയോണ്ട് ദ ക്ലൗഡ്സ്, ദ ഗ്രേറ്റ് ഗ്രാന്റ് ഫാദര്, പേട്ട തുടങ്ങിയ ചിത്രങ്ങില് വേഷമിട്ടു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ