നീണ്ട നാളത്തെ പ്രണയത്തിന് ശേഷമാണ് ഭാര്യ ദിവ്യയെ വിനീത് ശ്രീനിവാസൻ ജീവിതത്തിലേക്ക് കൂട്ടുന്നത്. മാർച്ച് 31 ന് ഇരുവരുടേയും പ്രണയ വാർഷികമാണ്. 17 വർഷം മുമ്പ് ഇതേ ദിവസമാണ് വിനീത് ദിവ്യയോട് പ്രണയം തുറന്നുപറഞ്ഞത്. ഇതിനിടയിലുള്ള നാളുകൾ കണ്ണടച്ച് തുറക്കുന്ന വേഗത്തിൽ പറന്നെന്നാണ് വിനീത് പറയുന്നത്. "മാർച്ച് 31, 17 വർഷം മുമ്പ് ഈ ദിവസമാണ് ഞാൻ അവളോട് പ്രണയം പറഞ്ഞത്, അവൾ യെസ് പറഞ്ഞു", വിനീത് ഇൻസ്റ്റഗ്രാമിൽ കുറിച്ചു.
"കുറച്ച് ദിവസങ്ങൾക്ക് മുമ്പ്, രാത്രിയിൽ, ദിവ്യയും ഞാനും കുട്ടികളെ ഉറക്കിയിട്ട് ഞങ്ങളുടെ കിടക്കയുടെ മൂലയിലേക്ക് മാറിയിരുന്ന് ശബ്ദം കുറച്ച് സംസാരിക്കാൻ തുടങ്ങി. കുറച്ചുനാളായി ഇങ്ങനെ മാത്രമെ ഞങ്ങൾക്കായി സമയം കിട്ടാറള്ളു. അപ്പോൾ ഞാൻ ചോദിച്ചു, 17 വർഷമാകാൻ പോകുകയാണ്, ഭാഗ്യത്തിന് ഒന്നും മാറിയിട്ടില്ല, അല്ലേ? ഒരു നിമിഷം മിണ്ടാതിരുന്നിട്ട് അവൾ പറഞ്ഞു ഒരുപാട് കാര്യങ്ങൾ മാറി, നീയും ഞാനും മാറി, പക്ഷെ നമ്മുക്ക് പരസ്പരമുള്ള ഫീലിങ് മാത്രം മാറിയിട്ടിച്ച. ഞാൻ ചിരിച്ചു, അവളും", ഒന്നിച്ചുള്ള ചിത്രം പങ്കുവച്ച് വിനീത് കുറിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
