സാധാരണക്കാരൻ പ്രതീക്ഷിക്കുന്നതെല്ലാം യഥാസമയം നൽകിയ നേതാവ്; പിണറായിയെ പ്രശംസിച്ച് ശ്രീകുമാരൻ തമ്പി

സാധാരണക്കാരൻ പ്രതീക്ഷിക്കുന്നതെല്ലാം യഥാസമയം എത്തിച്ച നേതാവാണ് പിണറായി വിജയൻ എന്നാണ് അദ്ദേഹം കുറിച്ചത്
ശ്രീകുമാരൻ തമ്പി, പിണറായി വിജയൻ/ ഫേയ്സ്ബുക്ക്
ശ്രീകുമാരൻ തമ്പി, പിണറായി വിജയൻ/ ഫേയ്സ്ബുക്ക്

മികച്ച വിജയം നേടി തുടർ ഭരണം നേടിയ പിണറായി വിജയനെ പ്രശംസിച്ച് സംവിധായകനും ​ഗാനരചയീതാവുമായ ശ്രീകുമാരൻ തമ്പി. ഫേയ്സ്ബുക്കിലൂടെയായിരുന്നു അദ്ദേഹത്തിന്റെ പ്രതികരണം. സാധാരണക്കാരൻ പ്രതീക്ഷിക്കുന്നതെല്ലാം യഥാസമയം എത്തിച്ച നേതാവാണ് പിണറായി വിജയൻ എന്നാണ് അദ്ദേഹം കുറിച്ചത്. അതിനാലാണ് ജനങ്ങൾ തുടർഭരണം നൽകിയതെന്നും ശ്രീകുമാരൻ തമ്പി പറയുന്നു.

ശ്രീകുമാരൻ തമ്പിയുടെ കുറിപ്പ് വായിക്കാം‍

ഭക്ഷണം, കിടപ്പാടം, ആരോഗ്യസംരക്ഷണം, കുട്ടികൾക്ക് വൃത്തിയും വെടിപ്പുമുള്ള സർക്കാർ വിദ്യാലയങ്ങളിൽ പഠിക്കാനുള്ള അവസരവും മറ്റു പഠനസൗകര്യങ്ങളും, എല്ലാ ജനങ്ങളെയും ഒരുപോലെ ബാധിക്കുന്ന മഹാമാരികളിൽ നിന്നും പ്രകൃതിക്ഷോഭങ്ങളിൽ നിന്നും അവരെ രക്ഷിക്കാനുള്ള നേതൃത്വപാടവം എന്നിവയാണ് ഏതു  സാധാരണക്കാരനും  ഒരു നല്ല ഭരണാധികാരിയിൽ നിന്നും പ്രതീക്ഷിക്കുന്നത് . ഇതെല്ലാം യഥാസമയം നൽകിയ നേതാവിന് ജനങ്ങൾ തുടർഭരണം നൽകി.
കേരളരാഷ്ട്രീയത്തിൽ പുതിയ ചരിത്രം സൃഷ്ടിച്ച ആദരണീയനായ സഖാവ്.പിണറായി വിജയന് ഹൃദയാഭിവാദ്യങ്ങൾ ....
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com