പിറന്നാൾ ദിനത്തിൽ മകനുമൊത്ത് ചിരുവിനോപ്പം സമയം ചിലവിടുന്ന വിഡിയോ പങ്കുവച്ചിരിക്കുകയാണ് നടി മേഘ്ന രാജ്. അച്ഛന്റെ ഫോട്ടോയിൽ തൊട്ടുനോക്കിയും സ്വന്തം ഭാഷയിൽ എന്തൊക്കെയോ സംസാരിക്കുകയുമാണ് കുഞ്ഞു സിമ്പ. 'ഞങ്ങളുടെ അത്ഭുതം' എന്നാണ് വിഡിയോയ്ക്കൊപ്പം മേഘ്ന കുറിച്ചിരിക്കുന്നത്.
കുഞ്ഞു ചിരുവിനോടുള്ള ഇഷ്ടം കൊണ്ടു നിറയുകയാണ് വിഡിേയായ്ക്ക് താഴെയുള്ള കമന്റ് ബോക്സ്. മേഘ്നയ്ക്ക് പിറന്നാൾ ആശംസിച്ച് നിരവധി താരങ്ങളും ആരാധകരും എത്തിയിട്ടുണ്ട്. മലയാള നടിമാരും മേഘ്നയുടെ അടുത്ത സുഹൃത്തുക്കളുമായ അനന്യ, നസ്രിയ തുടങ്ങിയവരും നടൻ ഇന്ദ്രജിത്തുമൊക്കെ ആശംസ അറിയിച്ചിട്ടുണ്ട്.
കഴിഞ്ഞ ദിവസം മകന്റെ ആറാം മാസം താരം ആഘോഷിച്ചിരുന്നു. ബോസ് ലേഡി തീമിലുള്ള ജൂനിയർ ചിരുവിന്റെ ആഘോഷം ആരാധകർ ഏറ്റെടുത്തിരുന്നു. അപ്പയും ഞാനും നിന്നെ സ്നേഹിക്കുന്നു എന്നാണ് മേഘ്ന കുറിച്ചത്.
കഴിഞ്ഞ വർഷം ജൂൺ ഏഴിനായിരുന്നു ഹൃദയാഘാതത്തെ തുടർന്ന് ചിരഞ്ജീവി മരിക്കുന്നത്. ഒക്ടോബറിൽ ഇവർക്കും ആൺകുഞ്ഞ് ജനിച്ചു. മകന്റെ വിശേഷങ്ങളെല്ലാം സോഷ്യൽ മീഡിയയിലൂടെ മേഘ്ന പങ്കുവെക്കാറുണ്ട്. പത്ത് വർഷത്തെ പ്രണയത്തിനൊടുവിൽ 2018 ലാണ് മേഘ്നയും ചിരഞ്ജീവിയും വിവാഹിതരായത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ