'നിങ്ങളെപ്പോലെ ആകാനാണ് ഞങ്ങൾ ആ​ഗ്രഹിക്കുന്നത്'; മമ്മൂട്ടിക്കും സുൽഫത്തിനും ആശംസകളുമായി ദുൽഖർ

മമ്മൂട്ടിയും സുൽഫത്തും ഒന്നിച്ചുള്ള പഴയ ചിത്രത്തിനൊപ്പമാണ് പോസ്റ്റ്
മമ്മൂട്ടിയും സുൽഫത്തും, ദുൽഖർ സൽമാൻ/ ഫേയ്സ്ബുക്ക്
മമ്മൂട്ടിയും സുൽഫത്തും, ദുൽഖർ സൽമാൻ/ ഫേയ്സ്ബുക്ക്

ലയാളത്തിന്റെ സൂപ്പർതാരം മമ്മൂട്ടിയുടേയും ഭാര്യ സുൽഫത്തിന്റേയും വിവാഹവാർഷികമായിരുന്നു ഇന്നലെ. നിരവധി പേരാണ് ഇഷ്ടദമ്പതികൾക്ക് ആശംസകളുമായി എത്തിയത്. മകൻ ദുൽഖർ സൽമാനും ഉമ്മയ്ക്കും ഉപ്പയ്ക്കും വിവാഹവാർഷിക ആശംസകൾ കുറിച്ചു. ഭാവിയിൽ ഞങ്ങൾ എന്താവണമെന്നാണോ ആ​ഗ്രഹിക്കുന്നത് അതാണ് നിങ്ങളിപ്പോൾ എന്നാണ് ദുൽഖർ കുറിച്ചത്. 

‘ഉമ്മയ്ക്കും ഉപ്പയ്ക്കും വിവാഹവാർഷിക ആശംസകൾ. കഴിഞ്ഞ വർഷം എടുത്ത ചിത്രം പോലെയുണ്ട് ഇത്. ഞങ്ങളൊക്കെ ഭാവിയിൽ എന്താകണമെന്ന് ആഗ്രഹിക്കുന്നോ അങ്ങനെയാണ് നിങ്ങൾ ഇപ്പോൾ’- ദുൽഖർ കുറിച്ചു. മമ്മൂട്ടിയും സുൽഫത്തും ഒന്നിച്ചുള്ള പഴയ ചിത്രത്തിനൊപ്പമാണ് പോസ്റ്റ്. 

നിരവധി പേരാണ് പോസ്റ്റിന് താഴെ കമന്റുമായി എത്തിയിരിക്കുന്നത്. ടൊവീനോ തോമസ്, സുപ്രിയ മേനോൻ, സൗബിൻ സാഹിർ‌, മനോജ് കെ ജയൻ തുടങ്ങി നിരവധി ആളുകളാണ് മമ്മൂട്ടിയ്ക്ക് ആശംസകൾ നേർന്നു. മമ്മൂട്ടിയുടേയും സുൽഫത്തിന്റേയും ചിത്രം പങ്കുവെച്ചാണ് പൃഥ്വിരാജ് ആശംസ കുറിച്ചത്. ഇന്നലെയായിരുന്നു ദുൽഖത്തിന്റെ മകൾ മറിയത്തിന്റെ പിറന്നാൾ. എന്റെ രാജകുമാരിക്ക് ഇന്ന് നാലാം പിറന്നാൾ എന്ന കുറിപ്പിനൊപ്പം മറിയത്തിന്റെ ചിത്രം പങ്കുവെച്ചാണ് മമ്മൂട്ടി ആശംസ കുറിച്ചത്. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com