25കാരിയായ കോവിഡ് രോഗിയുടെ വിയോഗത്തില് മനംനൊന്ത് ബോളിവുഡ് നടന് സോനു സൂദ്. നടന്റെ സഹായത്തോടെ പ്രത്യേക ചികിത്സയ്ക്കായി എയര്ലിഫ്റ്റ് ചെയ്ത ഭാരതി എന്ന യുവതിയുടെ മരണമാണ് സോനുവിനെ തളര്ത്തിയത്. ജീവിതം ചിലപ്പോള് ഒട്ടും ശുഭകരമല്ലെന്ന് കുറിച്ചാണ് വിയോഗവാര്ത്തയില് നടന് ദുഃഖം രേഖപ്പെടുത്തിയത്.
ഹൈദരാബാദിലെ അപ്പോളോ ആശുപത്രിയില് ചികിത്സയിലിരിക്കെയാണ് ഭാരതി മരണത്തിന് കീഴടങ്ങിയത്. "ഭാരതി, ഹൈദരാബാദിലേക്ക് ഞാന് എയര്ലിഫ്റ്റ് ചെയ്തയച്ച പെണ്കുട്ടി ഇന്നലെ രാത്രി മരണത്തിന് കീഴടങ്ങി. റെസ്റ്റ് ഇന് പവര് മൈ ദിയര് ഭാരതി. കഴിഞ്ഞ മാസം നിങ്ങള് ഒരു കടുവയെപ്പോലെ പോരാടി. നമ്മള് ഒരിക്കലും കണ്ടിട്ടില്ലെങ്കിലും എന്റെ മനസ്സില് നിങ്ങള്ക്കൊരു പ്രത്യേക സ്ഥാനം എന്നും ഉണ്ടായിരിക്കും. ഭാരതിയുടെ കുടുംബത്തെ ഞാന് ഉടന് സന്ദര്ശിക്കും. ജീവിതം ചിലപ്പോള് ഒട്ടും ശുഭകരമല്ല. തീര്ച്ചയായും നിന്നെ മിസ് ചെയ്യും ഭാരതി", സോനു സൂദ് ഇന്സ്റ്റഗ്രാമില് കുറിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ