ലോക്ഡൗൺ പ്രമാണിച്ച് വെർച്വൽ ഫോട്ടോഷൂട്ടുമായി എത്തിയിരിക്കുകാണ് നടി എസ്തർ അനിൽ. വീട്ടിലിരുന്ന് പകർത്തിയ ചിത്രങ്ങൾ എസ്തർ തന്നെയാണ് ഇൻസ്റ്റഗ്രാമിലൂടെ പങ്കുവച്ചിരിക്കുന്നത്. പൗർണമി മുകേഷ് ആണ് ഫൊട്ടോഗ്രാഫർ.
ഫോട്ടോഷൂട്ട് നടക്കുന്ന സമയത്ത് പറ്റിയ ചില അബദ്ധങ്ങളെക്കുറിച്ച് അടുത്തിടെ നടി തുറന്നുപറഞ്ഞിരുന്നു. സാരി ഉടുത്ത് നടന്ന ഒരു ഷൂട്ടിനിടെ വീഴാൻ പോയതും പിന്നീട് ലെഹങ്കയിലും മറിഞ്ഞ് വീഴാന്‍ പോയതുമൊക്കെ അന്ന് എസ്തർ ആരാധകരുമായി പങ്കുവച്ചിരുന്നു. ചെറിയൊരു വിഡിയോയിലൂടെയാണ് നടി ഈ അനുഭവം പറഞ്ഞത്.
‘ഇത് മുഴുവന്‍ തീര്‍ന്നപ്പോഴേക്കും ഞാന്‍ ശരിക്കും ക്ഷീണിച്ചു പോയി (സത്യത്തില്‍ തുടക്കം തൊട്ടെ അങ്ങനെയായിരുന്നു) പിന്നെ ദാ ഷൂസ് ധരിച്ച് ചില്‍ ചെയ്യുന്ന ഞാന്‍, സാരിയുടുത്ത് മറിഞ്ഞ് വീഴാന്‍ പോകുന്ന ഞാന്‍, അതും രണ്ട് തവണ. പിന്നെ ലഹങ്കയിലും ഇതാ വീഴാന്‍ പോകുന്നു.’
മലയാളത്തില്‍ ഹിറ്റ് ചിത്രമായ ദൃശ്യം 2വിലായിരുന്നു എസ്തര്‍ അവസാനമായി അഭിനയിച്ചത്. ദൃശ്യം 2 തെലുങ്ക് പതിപ്പിലും തന്റെ വേഷം എസ്തർ തന്നെയാണ് അവതരിപ്പിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
