കോവിഡ് പോസിറ്റീവ് ആയ അനുഭവം പങ്കുവച്ച് നടിയും അവതാരകയുമായ സുബി സുരേഷ്. ഷൂട്ടിങ്ങിനു പോകുമ്പോഴും മറ്റാവശ്യങ്ങള്ക്കായി പുറത്തിറങ്ങുമ്പോഴുമെല്ലാം ഒരുപാട് സൂക്ഷിച്ചെങ്കിലും അപ്രതീക്ഷിതമായി കോവിഡ് ബാധിതയായതിനെക്കുറിച്ചാണ് സുബി തന്റെ യൂട്യൂബ് ചാനലില് പങ്കുവച്ചത്.
സാധാരണ കഫകെട്ടിന്റെ ബുദ്ധിമുട്ടുകളും തലവേദനയും ഉണ്ടാകാറുള്ളതുകൊണ്ട് കോവിഡ് ആണെന്ന് കരുതിയില്ല. ഇതിനിടയില് ഷൂട്ടിങ്ങില് അടക്കം പങ്കെടുത്തിരുന്നു. തിരുവനന്തപുരം യാത്ര നടത്തിയിട്ടും ക്ഷീണമൊന്നും ഉണ്ടായിരുന്നില്ല. വീട്ടില് അനിയന്റെ കുഞ്ഞിന്റെ ഇരുപത്തെട്ടുകെട്ട് ചടങ്ങ് നടത്തേണ്ടതുകൊണ്ട് പരിശോധിച്ചപ്പോഴാണ് വൈറസ് ബാധയുണ്ടെന്ന് കണ്ടെത്തിയതെന്ന് സുബി പറഞ്ഞു.
പത്തു ദിവസത്തിനുശേഷം നെഗറ്റീവ് ആയെങ്കിലും രോഗമുണ്ടെന്ന് അറിഞ്ഞ ദിവസം വളരെയധികം ഭയപ്പെട്ടെന്നാണ് താരത്തിന്റെ വാക്കുകള്. ഡബിള് മാസ്ക് അടക്കം ഉപയോഗിച്ച് സൂക്ഷിച്ചിട്ടും തന്നെ വൈറസ് പിടികൂടിയ അനുഭവം പങ്കുവച്ച് എല്ലാവരും മുന്കരുതല് എടുക്കേണ്ടതിനെക്കുറിച്ചാണ് സുബി വിഡിയോയില് സംസാരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ