കണ്ണട ചരിച്ച് തന്നെ വയ്ക്കണോ? ഇട്ടിയവിരയുടെ സംശയം; ആർക്കറിയാം മേക്കിങ് വിഡിയോ

72 വയസ്സുകാരനായ വൃദ്ധനായാണ് ബിജു മേനോൻ ചിത്രത്തിൽ അഭിനയിച്ചിരിക്കുന്നത്
വിഡിയോ സ്‌ക്രീന്‍ഷോട്ട്‌
വിഡിയോ സ്‌ക്രീന്‍ഷോട്ട്‌

കോവിഡ് കാലത്ത് ചിത്രീകരിച്ച് മികച്ച പ്രേക്ഷകപ്രീതി നേടിയെടുത്ത ചിത്രമാണ് ‘ആർക്കറിയാം‘. ആമസോൺ പ്രൈം, നീസ്ട്രീം അടക്കം ആറോളം ഒടിടി പ്ലാറ്റ്ഫോമുകളിൽ ചിത്രം റിലീസ് ചെയ്തിട്ടുണ്ട്. ബിജു മേനോൻ , പാർവതി, ഷറഫുദ്ദീൻ എന്നിവരാണ് ചിത്രത്തിൽ പ്രധാന വേഷങ്ങൾ കൈകാര്യം ചെയ്തിരിക്കുന്നത്.

72 വയസ്സുകാരനായ വൃദ്ധനായാണ് ബിജു മേനോൻ ചിത്രത്തിൽ അഭിനയിച്ചിരിക്കുന്നത്. സിനിമയുടെ മേക്കിങ് വിഡിയോയാണ് ഇപ്പോൾ പുറത്തുവന്നിരിക്കുന്നത്. വിഡിയോ ഇതിനോടകം സമൂഹമാധ്യമങ്ങളിൽ ശ്രദ്ധനേടിക്കഴിഞ്ഞു.

പ്രമുഖ ഛായാഗ്രഹകൻ സാനു ജോൺ വർഗീസ് സംവിധാന രംഗത്ത് അരങ്ങേറ്റം കുറിച്ച ചിത്രമാണ് ആർക്കറിയാം. സാനു ജോൺ വർഗീസിനൊപ്പം രാജേഷ് രവി, അരുൺ ജനാർദ്ദനൻ എന്നിവർ ചേർന്നാണ് ചിത്രത്തിന്റെ തിരക്കഥ എഴുതിയിരിക്കുന്നത്. മൂൺഷോട്ട് എൻറർടെയ്‍ൻമെന്റ്സിന്റെയും ഒപിഎം ഡ്രീംമിൽ സിനിമാസിൻറെയും ബാനറുകളിൽ സന്തോഷ് ടി കുരുവിളയും ആഷിഖ് അബുവും ചേർന്നാണ് ചിത്രത്തിന്റെ നിർമ്മാണം.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com