ദിലീഷ് പോത്തൻ, മാത്യു തോമസ്, അജു വർഗീസ്, സൈജുകുറുപ്പ്, ധ്യാൻ ശ്രീനിവാസൻ എന്നിവരെ പ്രധാന കഥാപാത്രങ്ങളാക്കി ഷഹദ് സംവിധാനം ചെയ്യുന്ന "പ്രകാശൻ പറക്കട്ടെ" എന്ന സിനിമയുടെ ടീസർ പുറത്തുവിട്ടു. മാത്യു നിറഞ്ഞുനിൽക്കുന്ന ടീസറിൽ ദിലീഷ് പോത്തൻ അച്ഛനായും നിഷ സാരംഗ് അമ്മയായും എത്തുന്നു. സൈജു, അജു, ധ്യാൻ എന്നിവരെയും ടീസറിൽ കാണാം. പറവ സിനിമയിലൂടെ ശ്രദ്ധനേടിയ ഗോവിന്ദും ടീസറിലുണ്ട്.
'ഗൂഢാലോചന', 'ലൗ ആക്ഷൻ ഡ്രാമ', '9 എം എം' എന്നീ ചിത്രങ്ങൾക്ക് ശേഷം ധ്യാൻ ശ്രീനിവാസൻ കഥയും തിരക്കഥയും സംഭാഷണവും ഒരുക്കുന്ന ചിത്രമാണ് പ്രകാശൻ പറക്കട്ടെ. ഫൺന്റാസ്റ്റിക് ഫിലിംസിന്റെ ബാനറിൽ വിശാഖ് സുബ്രഹ്മണ്യം, ടിനു തോമസ്, അജു വർഗീസ് എന്നിവർ ചേർന്നാണ് നിർമാണം. മനു മഞ്ജിത്തിന്റെ വരികൾക്ക് ഷാൻ റഹ്മാൻ സംഗീതം നിർവഹിക്കുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ