പുതിയ ചിത്രമായ ‘മാനാട്’ന്റെ പ്രമോഷൻ വേദിയിൽ പൊട്ടിക്കരഞ്ഞ് നടൻ ചിമ്പു. ജീവിതത്തിൽ ഒരുപാട് പ്രശ്നങ്ങൾ നേരിട്ടുകൊണ്ടിരിക്കുകയാണെന്നും ആരാധകരുടെ സ്നേഹവും പിന്തുണയും മാത്രമാണ് തനിക്ക് വേണ്ടതെന്നും നടൻ വേദിയിൽ പറഞ്ഞു.
സയൻസ് ഫിക്ഷൻ ത്രില്ലർ ചിത്രമാണ് വെങ്കട്ട് പ്രഭു സംവിധാനം ചെയ്യുന്ന മാനാട്. വെങ്കട്ട് പ്രഭുവുമായി ഒരുപാട് വർഷത്തെ പരിചയമുണ്ട്. പല കഥകളും തമ്മിൽ ചർച്ച ചെയ്യാറുണ്ടെങ്കിലും പടം വരുമ്പോൾ അതിൽ നായകൻ വേറെ നടനായിരിക്കും. അബ്ദുൾ ഖാലിഖ് എന്ന കഥാപാത്രത്തെക്കുറിച്ച് ഒരോയൊരു ലൈൻ മാത്രമാണ് എന്നോട് പറഞ്ഞത്. അതെനിക്ക് ഇഷ്ടപ്പെടുകയും ഞാൻ താത്പര്യം പ്രകടിപ്പിക്കുകയും ചെയ്തു.
‘പൊതുവെ ഞാൻ പലയിടത്തും സിനിമയെക്കുറിച്ചാണ് സംസാരിച്ചിട്ടുള്ളത്. ഇനി എന്ത് പറയണമെന്ന് എനിക്കറിയില്ല. എനിക്ക് വല്ലാത്ത വേദന തോന്നുന്നു. ഞാൻ ഒരുപാട് പ്രശ്നങ്ങളും വിഷമങ്ങളും അഭിമുഖീകരിക്കുന്നുണ്ട്. അതെന്നെ ശരിക്കും ബുദ്ധിമുട്ടിക്കുന്നുണ്ട്. എന്റെ പ്രശ്നങ്ങൾ ഞാൻ കൈകാര്യം ചെയ്തോളം, പക്ഷേ ദയവായി നിങ്ങൾ എനിക്ക് കരുതൽ നൽകണം’,ചിമ്പു പറഞ്ഞു. മാനാട് സിനിമയുമായി ബന്ധപ്പെട്ട വിവാദങ്ങളാകാം ചിമ്പുവിനെ അസ്വസ്ഥനാക്കിയതെന്ന് ആരാധകർ പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ