ഓസ്കർ എമ്മി പുരസ്കാര ജേതാവായ ജാപ്പനീസ് കോസ്റ്റ്യൂം ഡിസൈനർ എമി വാഡ (84) അന്തരിച്ചു. അകിറാ കുറസോവയുടെ 'റാൻ' എന്ന ചിത്രത്തിലെ സാമുറായി വസ്ത്രങ്ങളാണ് ക്യോട്ടോ സ്വദേശിയായ എമി വാഡയെ ഓസ്കാർ പുരസ്കാരത്തിനർഹയാക്കിയത്. 'ഈഡിപ്പസ് റെക്സ്' എന്ന നാടകത്തിനുവേണ്ടി വസ്ത്രാലങ്കാരം നിർവഹിച്ചതിന് 1993ൽ എമ്മി പുരസ്കാരവും എമിയെ തേടിയെത്തി.
ജപ്പാൻ ബ്രോഡ്കാസ്റ്റിങ് കോർപ്പറേഷൻ ഡയറക്ടറായിരുന്ന ബെൻ വാഡയാണ് എമിയുടെ ഭർത്താവ്. ഭർത്താവ് സംവിധാനം ചെയ്യുന്ന തിയറ്റർ നാടകങ്ങൾക്കു വേണ്ടി വസ്ത്രാലങ്കാരം ചെയ്ത് തുടക്കം കുറിച്ച എമി ഹിരോഷി ടെഷിഗാഹരയുടെ 'റിക്യു', നഗിസാ ഒഷിമായുടെ 'ഗൊഹാട്ടോ', പീറ്റർ ഗ്രീനവേയുടെ 'ദി പില്ലോ ബാക്ക്', മേബെൽ ചിയുങ്ങിന്റെ 'ദി സൂങ് സിസ്റ്റേഴ്സ്' തുടങ്ങിയ പ്രശസ്ത ചിത്രങ്ങൾക്ക് വേണ്ടി പ്രവർത്തിച്ചിട്ടുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
