രജനീകാന്തിന്റെ പുതിയ ചിത്രം അണ്ണാത്തെയുടെ റിലീസ് തിയതി പ്രഖ്യാപിച്ചു. ദീപാവലി റിലീസ് ആയി നവംബർ നാലിന് ചിത്രം തിയറ്ററിൽ എത്തും. ഫസ്റ്റ് ലുക്ക് പോസ്റ്റർ പുറത്തുവിട്ടാണ് അണിയറ പ്രവർത്തകർ റിലീസ് തിയതി പ്രഖ്യാപിച്ചത്.
വെള്ള ഷർട്ടും മുണ്ടും ധരിച്ച് ആഘോഷ മൂഡിൽ നിൽക്കുന്ന രജനിയാണ് പോസ്റ്ററിൽ. സിരുത്തൈ ശിവയും രജനികാന്തും ആദ്യമായി ഒന്നിക്കുന്ന ചിത്രത്തിനായി വളരെ പ്രതീക്ഷയോടെയാണ് ആരാധകർ കാത്തിരിക്കുന്നത്. നയൻതാരയാണ് ചിത്രത്തിലെ നായിക. ഗ്രാമീണപശ്ചാത്തലത്തിലുള്ള ഒരു മാസ് ചിത്രമായിരിക്കും അണ്ണാത്തെയെന്നാണ് പ്രഖ്യാപനത്തിന്റെ തുടക്കം മുതലേയുള്ള സൂചന.
കീർത്തി സുരേഷ്, പ്രകാശ് രാജ്, മീന, ഖുശ്ബു എന്നിവരാണ് മറ്റ് പ്രധാന താരങ്ങൾ. ജാക്കി ഷ്റോഫ്, ജഗബതി ബാബു എന്നിവരാണ് വില്ലന് കഥാപാത്രങ്ങളെ അവതരിപ്പിക്കുന്നത്. സംഗീതം ഡി. ഇമ്മൻ. വെട്രി പളനിസ്വാമിയാണ് ഛായാഗ്രാഹകൻ. എഡിറ്റിങ് റൂബൻ, ആർട്ട് മിലൻ. സണ് പിക്ചേഴ്സ് ആണ് ചിത്രം നിര്മിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ