ഗ്ലാമറസ് ലുക്കിൽ ആരാധകരുടെ മനം കവരാറുള്ള താരമാണ് ബോളിവുഡ് നടി നോറ ഫത്തേഹി. എന്നാൽ താരത്തിന്റെ പുത്തൻ ലുക്ക് വലിയ വിമർശനങ്ങൾക്ക് കാരണമാവുകയാണ്. പൊതുവേദിയിൽ അതീവ ഗ്ലാമറസ്സായി പ്രത്യക്ഷപ്പെട്ടതാണ് താരത്തിനെതിരെ വിമർശനം ശക്തമാകാൻ കാരണമായത്. നടുറോഡിൽ നിന്ന് ഫോട്ടോയ്ക്ക് പോസ് ചെയ്യുന്ന നോറയുടെ വിഡിയോ പുറത്തുവന്നതോടെയാണ് വിമർശനം ശക്തമായത്. ഇത് ഫാഷനല്ല, മേനി പ്രദർശനമാണെന്നാണ് വിമർശകർ പറയുന്നത്.
കഴിഞ്ഞദിവസം മുംബൈയില്‍ ഉദ്ഘാടനവുമായി ബന്ധപ്പെട്ട് എത്തിയതായിരുന്നു നോറ. ഡീപ് നെക്കിലുള്ള വൈറ്റ് കട്ടൗട്ട് ഡ്രസാണ് താരം ധരിച്ചിരുന്നത്. ചടങ്ങുകഴിഞ്ഞ് കാറിൽ കയറി പോകാനൊരുങ്ങിയ നോറയെ ഫൊട്ടോഗ്രാഫേഴ്സ് വളഞ്ഞു. ഇതോടെ നടി വണ്ടിയില്‍ നിന്നിറങ്ങി ഫോട്ടോയ്ക്ക് നിന്നുകൊടുക്കുകയായിരുന്നു. ശരീരം മുഴുവന്‍ തുറന്നുകാണിക്കുന്ന ഇത്തരം വസ്ത്രങ്ങൾ പൊതുവേദിയില്‍ ധരിക്കാൻ ഉള്ളതല്ലെന്നും ഫാഷൻ എന്ന ലേബലിൽ എന്തുവൃത്തികേടും കാണിക്കാമെന്ന് ധരിക്കരുതെന്നുമാണ് വിമർശകർ അഭിപ്രായപ്പെടുന്നത്.
മൊറോക്കൻ-കനേഡിയൻ നർത്തകിയായ നോറ ചടുലമായ നൃത്തച്ചുവടുകളിലൂടെയാണ് സിനിമ പ്രേമികളുടെ മനസിൽ ഇടം നേടുന്നത്. ഹിന്ദി, മലയാളം, തെലുങ്ക്, തമിഴ് തുടങ്ങിയ ഭാഷകളിൽ അഭിനയിച്ച നോറയ്ക്ക് ഇന്ത്യയിൽ എമ്പാടും നിരവധി ആരാധകരുണ്ട്. ബാഹുബലി, കിക്ക് 2, കായംകുളം കൊച്ചുണ്ണി തുടങ്ങിയ ചിത്രങ്ങളിലെ നടിയുടെ ഐറ്റം ഡാൻസും ഏറെ ശ്രദ്ധിക്കപ്പെട്ടിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
