എല്ലാവരും എന്നെ കളിയാക്കുന്നു... ലാലേട്ടനെ നേരിൽ കാണണമെന്ന് പറഞ്ഞു കരഞ്ഞ രുക്മിണി അമ്മയ്ക്ക് വിഡിയോ കോൾ സർപ്രൈസുമായി മോഹൻലാൽ. മോഹൻലാലിനെ തനിക്ക് ഒന്ന് കണ്ടാൽ മതിയെന്ന് പറഞ്ഞ് രുക്മിണി അമ്മ കരയുന്ന വിഡിയോ സമൂഹമാധ്യമങ്ങളിൽ വൈറലായിരുന്നു. ഇതേതുടർന്നായിരുന്നു താരം വിഡിയോകോളിൽ സംസാരിക്കാനെത്തിയത്.
കോവിഡ് കാലമായതിനാലാണ് നേരിട്ട് കാണാനാവാത്തതെന്നും ഇപ്പോഴത്തെ സാഹചര്യമൊക്കെ മാറുമ്പോൾ കാണാമെന്നും നടൻ വാക്കുകൊടുത്തു. അമ്മയ്ക്കൊരു ഉമ്മയും കൊടുത്താണ് ലാൽ വിഡിയോ കോൾ അവസാനിപ്പിച്ചത്. മോഹൻലാൽ ഫാൻസ് അസോസിയേഷൻ പ്രവർത്തകരാണ് രുക്മിണി അമ്മയുടെ ആഗ്രഹം സാധിച്ചുകൊടുക്കാനായി ഇത്തരത്തിലൊരു അവസരം ഒരുക്കിയത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
