ബോളിവുഡില്‍ നിരവധി ആരാധകരുള്ള യുവതാരമാണ് സാറാ അലി ഖാന്‍. കുടുംബത്തിനൊപ്പവും സുഹൃത്തുക്കള്‍ക്കുമൊപ്പമുള്ള രസകരമായ വിഡിയോകളെല്ലാം താരം പങ്കുവയ്ക്കാറുണ്ട്. കഴിഞ്ഞ ദിവസം തന്റെ സ്‌പോട് ഗേളിനോട് ചെയ്ത ഒരു പ്രാങ്ക് വിഡിയോ ഇന്‍സ്റ്റഗ്രാമില്‍ പങ്കുവച്ചിരുന്നു. എന്നാല്‍ ഈ വിഡിയോ ചിരി നിറക്കുന്നതിന് പകരം രൂക്ഷ വിമര്‍ശനങ്ങള്‍ക്കാണ് ഇരയാവുന്നത്.
ജീവിതത്തില്‍ ഒരാളോട് ചെയ്ത ഏറ്റവും മോശം പ്രാങ്ക്
കഴിഞ്ഞ ദിവസം തന്റെ ഇന്‍സ്റ്റഗ്രാം സ്റ്റോറിയിലൂടെ താരം ആരാധകരുമായി സംവദിച്ചിരുന്നു. ജീവിതത്തില്‍ ഒരാളോട് ചെയ്ത ഏറ്റവും മോശം പ്രാങ്ക് ഏതായിരുന്നു എന്നാണ് ഒരു ആരാധകന്റെ ചോദ്യം. ഇതിന് മറുപടിയായാണ് തന്റെ സഹായിയെ സ്വിമ്മിങ് പൂളില്‍ തള്ളിയിടുന്നതിന്റെ വിഡിയോ താരം പങ്കുവച്ചത്. തന്റെ ബിക്കിനിയില്‍ നനഞ്ഞു നില്‍ക്കുന്ന സാറയാണ് വിഡിയോയില്‍. സാറയ്‌ക്കൊപ്പം ഫോട്ടോ എടുക്കാനായി നില്‍ക്കുന്ന യുവതിയെ അപ്രതീക്ഷിതമായി പൂളിലേക്ക് സാറ തള്ളിയിടുകയാണ്. തുടര്‍ന്ന് താരവും ചിരിച്ചുകൊണ്ട് പൂളില്‍ ഇറങ്ങുന്നതും വിഡിയോയില്‍ കാണാം.
വിഡിയോയ്ക്ക് വിമര്‍ശനം രൂക്ഷം
എന്തായാലും താരത്തിന്റെ വിഡിയോ രൂക്ഷ വിമര്‍ശനങ്ങള്‍ക്കാണ് വഴിവച്ചിരിക്കുന്നത്. ഇത് തമാശയല്ല ക്രൂരതയാണ് എന്നാണ് വിമര്‍ശനം. സാറയ്‌ക്കെതിരെയുള്ള ട്രോളുകള്‍ സോഷ്യല്‍ മീഡിയയില്‍ നിറയുകയാണ്. അതിനിടെ താരത്തിനോട് വെയിറ്റ് ലോസ് ടിപ്പുകള്‍ ചോദിച്ചുകൊണ്ടും ആരാധകര്‍ എത്തി. വണ്ണം കുറയ്ക്കാന്‍ പിസ കഴിക്കുന്നതു നിര്‍ത്തണോ എന്നായിരുന്നു ഒരു ആരാധകന്റെ ചോദ്യം. പിസ കഴിക്കുന്നതു നിര്‍ത്തേണ്ടെന്നും പക്ഷേ കുറച്ച് മാത്രം കഴിക്കണം എന്നുമായിരുന്നു താരത്തിന്റെ മറുപടി. 96 കിലോയില്‍ അധികമുണ്ടായിരുന്ന സാറ സിനിമയില്‍ അഭിനയിക്കാന്‍ വേണ്ടി ശരീര ഭാരം കുറയ്ക്കുകയായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
