"ഷാറൂഖ് ഖാനുവേണ്ടി എന്തും ചെയ്യും"; പണം വാങ്ങാതെ ടിക്കറ്റ്, ഈജിപ്തില്‍ നിന്നുള്ള ആരാധകന്‍ ചെയ്ത സഹായം, കുറിപ്പ് 

ഒരു ഈജിപ്ഷ്യല്‍ ട്രാവല്‍ ഏജന്റാണ് അശ്വിനിയുടെ സഹായത്തിനെത്തിയത്
ഷാറൂഖ് ഖാന്‍
ഷാറൂഖ് ഖാന്‍

ജിപ്ത് സ്വദേശിയായ ഒരു ഷാറൂഖ് ഖാന്‍ ആരാധകന്‍ തനിക്ക് ചെയ്തുതന്ന സഹായത്തെക്കുറിച്ച് വിവരിച്ചിരിക്കുകയാണ് സര്‍വകലാശാല പ്രൊഫസറായ അശ്വിനി ദേശ്പാണ്ഡെ. ഒരു ഈജിപ്ഷ്യല്‍ ട്രാവല്‍ ഏജന്റാണ് അശ്വിനിയുടെ സഹായത്തിനെത്തിയത്. ഈ സംഭവമാണ് തന്റെ ട്വിറ്റര്‍ പേജില്‍ പ്രൊഫസര്‍ വിവരിച്ചിരിക്കുന്നത്. 

"ഈജിപ്തിലുള്ള ട്രാവല്‍ ഏജന്റിന് പണം അടയ്ക്കാന്‍ ബുദ്ധിമുട്ട് നേരിടുകയായിരുന്നു. അപ്പോഴാണ് ഷാറുഖ് ഖാന്‍ ആരാധകനായ ആ മനുഷ്യല്‍ എനിക്കുള്ള ടിക്കറ്റ് ബുക്ക് ചെയ്യാമെന്നും പണം പിന്നീട് നല്‍കിയാല്‍ മതിയെന്നും പറഞ്ഞത്", സാഹചര്യത്തെക്കുറിച്ച് അശ്വിനി വിവരിച്ചു. "നിങ്ങള്‍ എസ്ആര്‍കെയും രാജ്യത്തുനിന്നല്ലേ, എനിക്ക് നിങ്ങളെ വിശ്വാസമാണ്. ഞാന്‍ ടിക്കറ്റ് ബുക്ക് ചെയ്യാം. നിങ്ങള്‍ എനിക്ക് പിന്നീട് പണം നല്‍കിയാല്‍ മതി. മറ്റ് രാജ്യക്കാരായിരുന്നെങ്കില്‍ ഞാന്‍ ഇങ്ങനെയൊന്നും ചെയ്യില്ലായിരുന്നു. പക്ഷെ എസ്ആര്‍കെയ്ക്ക് വേണ്ടി എന്നും ചെയ്യും", എന്നാണ് അയാള്‍ പറഞ്ഞത്. 

അശ്വിനിയുടെ ട്വീറ്റ് ഷാറൂഖിന്റെ ആരാധകര്‍ ഏറ്റെടുത്തുകഴിഞ്ഞു. ഈജിപ്തിലൂടെ കറങ്ങിനടക്കുമ്പോള്‍ ഇന്ത്യന്‍ ആണോ എന്ന ആദ്യ ചോദ്യത്തിന് പിന്നാലെ കേള്‍ക്കുന്ന രണ്ട് പേരുകള്‍ അമിതാഭ് ബച്ചന്റെയും ഷാറൂഖ് ഖാന്റെയും ആണെന്ന് പറയുകയാണ് ഇവര്‍.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com