വിനീത് ശ്രീനിവാസനും ഷൈൻ ടോം ചാക്കോയും ഒന്നിക്കുന്ന പുതിയ ചിത്രം ഒരുങ്ങുന്നു. കുറുക്കൻ എന്ന് പേര് നൽകിയിരിക്കുന്ന ചിത്രം സംവിധാനം ചെയ്യുന്നത് നവാഗതനായ ജയലാൽ ദിവാകരനാണ്. മഹാ സുബൈർ വർണ്ണച്ചിത്രയുടെ ബാനറിൽ നിർമിക്കുന്ന ചിത്രത്തിന്റെ പ്രി–പ്രൊഡക്ഷൻ ജോലികൾ പുരോഗമിക്കുകയാണ്.
മനോജ് റാംസിങ്ങ് ആണ് തിരക്കഥയും സംഭാഷണവും ഒരുക്കുന്നത്. ഛായാഗ്രഹണം ഫൈസ് സിദ്ദിഖ്. ശ്രീനിവാസൻ, അജു വർഗീസ് എന്നിവരും സുപ്രധാന വേഷങ്ങളിൽ എത്തുന്ന ചിത്രത്തിന്റെ മറ്റു കാസ്റ്റിങ് അവസാനഘട്ടത്തിലാണ്. ചിത്രത്തെക്കുറിച്ചുള്ള കൂടുതൽ വിവരങ്ങൾ പുറത്തുവന്നിട്ടില്ല.
ഹിറ്റു സിനിമകളുമായി മലയാളത്തിൽ തിളങ്ങി നിൽക്കുകയാണ് വിനീത് ശ്രീനിവാസനും ഷൈൻ ടോം ചാക്കോയും. വിനീത് സംവിധാനം ചെയ്ത ഹൃദയം മികച്ച വിജയമാണ് നേടിയത്. ഷൈൻ ടോം ചാക്കോയുടെ അടുത്തിറങ്ങിയ എല്ലാ കഥാപാത്രങ്ങളും കയ്യടി നേടിയിരുന്നു. ഭീഷ്മ പർവമാണ് താരത്തിന്റെ അവസാനം പുറത്തിറങ്ങിയ ചിത്രം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ